Горад Лунінец

Горад Лунінец Герб Каардынаты 52.25, 26.81111152°15′00″ пн. ш. 26°48′40″ у. д.52.25° пн. ш. 26.811111° у. д.    Краіна Беларусь Заснаваны 1449 Горад з 1940 Насельніцтва (2008) 24,2 тыс. чалавек Часавы пояс UTC+2 Тэлефонны код +375 1647 Паштовы індэкс 225642 (43,44) Афіцыйны сайт http://luninets.info/ (руск.)

Лунінец

Лунінец на Вікісховішчы

Лунінец — горад у Брэсцкай вобласці Беларусі, адміністрацыйны цэнтр Лунінецкага раёна. Вузел чыгунак на Брэст, Гомель, Баранавічы, Сарны і аўтадарог. У 240 км да ўсходу ад Брэста. Насельніцтва 23,8 тыс. чалавек (2006).

Гісторыя

Вядомы з 1449 пад назвай Малы Лулін, шляхецкае ўладанне. З 1471 сяло Лулінец маёнтка Ішкалдзь, належала Неміровічам. У 1552 удава Я. П. Неміровіча Ганна Сапежанка перадала сяло свайму пасынку полацкаму ваяводзе С. С. Давойне. Потым сяло належала Друцкім-Любецкім, Граўжышскім, Кунцэвічам, Долматам. З 1561 сяло завецца Лунінец. З 1588 у Наваградскім павеце ВКЛ, 484 жыхара, 74 дома, вінакурня. У 1622 г. Канстанцін Долмат падарыў Лунінец разам з сялянамі Дятлавіцкаму мужчынскаму манастыру. Пасля 2-га падзелу Рэчы Паспалітай (1793) у складзе Расійскай імперыі. У 1842 маёнткі манастыра былі перададзеныя ў казну, а жыхары пераведзеныя ў катэгорыю дзяржаўных сялян. Развіццю Лунінца спрыяла будаўніцтва Палескіх чыгунак. З лістапада 1911 па люты 1912 тут жыў і працаваў Я. Колас. З 1921 у складзе Польшчы, горад, цэнтр павета. З 1939 у БССР, з 1940 — цэнтр раёна. У гады Вялікую Айчынную вайны ў Лунінцы і раёне акупанты знішчылі 16,6 тыс. чалавек, вывезлі ў Германію 2,3 тыс. чалавек.

Эканоміка

Прадпрыемствы машынабудавання, будаўнічых матэрыялаў, дрэваапрацоўчай і харчовай прамысловасці. Гасцініца «Юбілейная».

Дэмаграфія

• 1588—484 чал., 74 дамы́
• 1795—624 чал., 75 дамоў
• 1897 — 3167 чал., 855 двароў
• 1939 — 8300 чал.

Культура

Лунінецкі краязнаўчы музей.

Выдатныя мясціны

Свята-Крыжаўзвіжанская царква (1921).

Вядомыя асобы

• А. В. Петрушэўскі (1898—1976), генерал-палкоўнік, Герой Савецкага Саюза
• М. М. Калінковіч (1950—1990), беларускі пісьменнік, гісторык
• Аксана Спрынчан (нар. 1973), беларуская пісьменніца.

Літаратура

• Беларуская энцыклапедыя. Т. 9. — Мн., 1999.
• Энцыклапедыя гісторыі Беларусі. Т. 4. — Мн., 1997.
• Белорусская ССР: крат. энцикл. Т. 1. — Мн., 1979.

У Сеціве

• Афіцыйная старонка горада
• Сайт пра горад. Гісторыя, прырода…
• Сайт Лунінецкага выканкаму