Горад Лурд

Горад

Лурд
Lourdes

Герб

Каардынаты: 43°06′00″ пн. ш. 0°03′00″ з. д. / 43.1° пн. ш. 0.05° з. д. ^(G) ^(O) ^(Я)43.1, -0.0543°06′00″ пн. ш. 0°03′00″ з. д. / 43.1° пн. ш. 0.05° з. д. ^(G) ^(O) ^(Я)

Краіна	Францыя
Плошча	36,94 км²
Насельніцтва (2007)	15254 чалавека
Шчыльнасць	413 чал./км²
Часавы пояс	UTC+1, улетку UTC+2
Паштовы індэкс	65100
Афіцыйны сайт	http://www.lourdes-france.com/ (фр.)

Лурд

Лурд на Вікісховішчы

Лурд (фр.: Lourdes, акс. Lorda) — горад у Францыі, у дэпартаменце Верхнія Пірэнеі (15000 жыхароў). Стаіць на рацэ Гаў (фр. Gave de Pau). Адзін з найбольш папулярных у Еўропе цэнтраў паломніцтва.

Гісторыя [правіць]

У VIII стагоддзі, Лурд і яго крэпасць апынулася ў цэнтры бітвы паміж Міратам, мясцовым лідарам, і Карлам Вялікім, каролём франкаў. Карл Вялікі аблажыў Мірата ў крэпасці на працягу некаторага часу, але Мурат адмаўляўся здацца. Паводле легенды, арол нечакана з'явіўся і ўпаў у ногі да Мірата, што з'явілася знакам да здачы, на якую ў выніку Мірат і пайшоў.

Дзева Марыя [правіць]

На думку Каталіцкай царквы ў 11 лютага 1858 года, у чацвер, чатырнаццацігадовай мясцовай жыхарцы Бернадэт Субіру з'явілася Дзева Марыя^[1]. Адбылося гэта ў адной з пячораў, Масаб'ель, якіх мноства ў горных адгор'ях, якія атачаюць горада.

Бернадэт сведчыла аб 18 «з'явах». Апошняе — 16 чэрвеня таго ж года. Каталіцкая царква спачатку з крайняй асцярогай паставілася да заяваў дзяўчыны, якая была падвергнутая шматлікім допытам, з боку адміністрацыйных і царкоўных уладаў, і роўна шматлікім медыцынскым аглядам, абсалютна ўсе з якіх прызналі яе стан як свядомы і станоўча ўраўнаважаны характар яе асобы. Пазней Бернадэт стала манашкай.

Царква ж правяла дбайную праверку ўсіх выкладзеных дзяўчынай фактаў. У выніку ў 1933 годзе яе кананізавалі пад імем святой Бернадэт, а Лурд ператварыўся ў адзін з найбольш прываблівых месцаў для пілігрымаў не толькі Францыі, але і ўсёй Еўропы. Штогод у Лурд прыязджае да пяці мільёнаў чалавек. Толькі тых, хто спадзяецца знайсці тут лячэнне ад сваіх хвароб, у год прыязджае больш за 70 тысяч. Крыніцы каталіцкай царквы сцвярджаюць, што толькі за першыя 50 гадоў паломніцтва атрымалі поўнае лячэнне ад самых розных хвароб мінімум 4 тысячы чалавек.

На месцы, дзе Дзева Марыя першы раз з'явілася Бернадэт, метадам народнай будоўлі ўзведзены санктуарый, храм Нотр-Дам дэ Лурд. Да яго вядзе мост Сен-Мішэль, які з'яўляецца як бы ўваходам, парталам у царкву пад адкрытым небам. Ролю нефа выконвае Эспланада Працэсьён. Далей падземная базіліка Сутэр Сен-Пі X, у якой адначасова можа размясціцца да 20 тысяч чалавек. Далей размешчана статуя Дзевы Марыі — яна як бы ўстаноўлена ў нішы алтара.