Горад Манпелье

Горад Манпелье Герб 43.611944, 3.87722243°36′43″ пн. ш. 3°52′38″ у. д.43.611944° пн. ш. 3.877222° у. д.    Краіна Францыя Дэпартамент Эро Мэр Элен Мандру-Кола (Hélène Mandroux-Colas) (на 2011 год) Першае згадванне 985 Плошча 56.88 км² км² Тып клімату міжземнаморскі Насельніцтва (2009) 265 634. чалавек Шчыльнасць 4670 чал./км² Агламерацыя каля 510 тыс. жыхароў. чалавек Часавы пояс UTC+1, улетку UTC+2 Тэлефонны код +33 467 Паштовы індэкс 34000, 34070, 34080, 34090, 34060 Афіцыйны сайт http://www.montpellier.fr (фр.)

Манпелье

Манпелье на Вікісховішчы

Манпелье(фр.: Montpellier, акс. Montpelhièr) — горад на поўдні Францыі, адміністрацыйны цэнтр рэгіёну Лангедок-Русільён і дэпартамента Эро.

Гісторыя

Сярэднявечны перыяд

Цытадэль горада Манпелье

Першае згадванне пра горад ў гістарычных дакументах адбываецца ў 985 годзе. Манпелье стаў вядомы ў X стагоддзі як гандлёвы цэнтр, з гандлёвымі сувязямі па ўсяму рэгіёну Міжземнамор'я і багатым яўрэйскім культурным жыццём і традыцыямі талерантнасці да мусульман, яўрэяў і катараў, а пасля і да пратэстантаў. Напрыканцы XII стагоддзя ў Манпелье з'яўляецца медыцынская парактыка і ўзгадняецца права выкладаць медыцыну. З 1220 года з'яўляецца неабходнасць арганізаваць медыцынскую адукацыю ў рамках універсітэта і кардынал папы рымскага Ганорыя III прапануе першые ўніверсітэцкія статуты. У 1289 годзе папа рымскі Мікалай IV накіраваў усім студэнтам і дактарам папскае пасланне «Quia Sapientia», такім чынам канчаткова замацаваўшы статус універсітэта ў Манпелье. Створаны медыцынскі ўніверсітэт быў адным з галоўных цэнтраў па навучанні медыцыне ў гэты час.

Пасля Рэфармацыі

Падчас Рэфармацыі ў шаснаццатым стагоддзі, многія з жыхароў горада Манпелье сталі пратэстантамі (гугенотамі, як іх называлі ў Францыі) і горад стаў апорай пратэстантаў - праціўнікамі каталіцкай французскай кароны. У 1622 годзе кароль Людовік XIII атачылі горад і ўзялі яго пасля васьмі месяцаў асады цытадэлі Манпелье.

Сучасная гісторыя

У 19-м стагоддзі горад ператварыўся ў індустрыяльны цэнтр. У 1960-х гадах, колькасць насельніцтва рэзка ўзрасла за кошт французскіх перасяленцаў з Алжыра пасля атрымання ім незалежнасці ад Францыі. У 1980-1990 г.г., у горадзе ажыццяўляліся буйныя праекты рэканструкцыі.

Падчас Другой сусветнай вайны, 13 лютага 1941 г, маршал Петэн, суправаджаемы адміралам Дарланам, сустрэўся з генералам Франка ў Манпелье. Горад бамбавалі некалькі разоў падчас Другой сусветнай вайны.

У 1993 годзе праходзілі Міжземнаморскія гульні.

Транспарт

У Манпелье маецца чыгуначнае паведамленне з іншымі гарадамі Францыі. Галоўная чыгуначная станцыя — St Roch; тут спыняюцца хуткасныя цягнікі TGV.

Аэрапорт Montpellier-Méditerranée размешчаны на паўднёвы ўсход ад Манпелье, у раёне Fréjorgues горада Mauguio.

Гарадскі транспарт Манпелье абслугоўваецца кампаніяй TaM (Transports de l'agglomération de Montpellier). У сетку гарадскога транспарту ўключаны аўтобусы і дзве трамвайныя лініі. Трамваі абедзвюх ліній размаляваныя ў сіне-блакітны і жоўта-аранжавы колеры, якія адпавядаюць напрамкам руху.

Таксама ў 2007 годзе была адкрыта сетка пракату ровараў Vélomagg, якая ахоплівае на сапраўдны момант 1200 ровараў і 50 станцый.

Архітэктура

Манпелье — адзін з найпрыгажэйшых гарадоў Францыі. Цэнтр горада забудаваны будынкамі ў тыповым міжземнаморскім стылі, але ж і новыя пабудовы, якія прымыкаюць да іх, напрыклад раён Antigone, дзе размешчаны асноўныя гандлёвыя цэнтры, выкананы ў тым жа міжземнаморскім стылі, што стварае дзіўнае ўражанне цэласнасці горада.

Турызм

Манпелье не толькі прыгожы горад, сумесна са сваім курортным прадмесцем Пероль (Péroles), размешчаным ўсяго ў 10 км ад цэнтра Манпелье, непасрэдна на ўзбярэжжа Міжземнага мора, але ж ён можа лічыцца і своеасаблівым цэнтрам курортнага жыцця са сваімі пляжамі, не саступаючы Ницэ і Каннам.

Культура

Улетку ў Манпелье праводзіцца традыцыйны фестываль оперы і музыкі «Радыё Франс-Манпелье», музычная праграма якога ўключае класічную музыку і джаз. Праводзіцца каля 150 мерапрыемстваў, уключаючы оперу, канцэрты, фільмы і лекцыі. Уваход у большасці выпадкаў бясплатны, месца правядзення — гістарычныя плошчы горада і сучасныя канцэртныя залы Le Corum.

Трыумфальная арка.

Сабор Сен-П'ер

Акведук Святога Клімента

Нацыянальная опера Манпелье

Галоўныя славутасці

• Галоўная славутасць горада - плошча Камедыі (Place de la Comédie)
• Музей Фабра
• У гістарычным цэнтры горада, знаходзіцца значная колькасць гатэляў
• Батанічны сад Манпелье - найстарэйшы батанічны сад ў Францыі, заснаваны ў 1593 годзе
• Сабор Сен-П'ер
• Трыумфальная арка
• Акведук Святога Клімента
• Нацыянальная опера Манпелье

Гарады-пабрацімы

• Барселона, Іспанія (з 1963 года)
• Гейдэльберг, Германія (з 1961 года)
• Джайпур, Індыя (з 2009 года)
• Луісвіл, ЗША (з 1955 года)
• Тверыя, Ізраіль (з 1983 года)
• Тлемсен, Алжыр (з 2009 года)
• Фес, Марока (з 2003 года)
• Чэнду, Кітай (з 1971 года)