Горад Моранг

Горад Моранг Morąg Сцяг Герб Каардынаты 53.916667, 19.93333353°55′00″ пн. ш. 19°56′00″ у. д.53.916667° пн. ш. 19.933333° у. д.    Краіна Польшча Ваяводства Вармінска-Мазурскае ваяводства Бургамістр Тадэвуш Збігнеў Саберайскі Плошча 12,17 км² Насельніцтва (2008) 14239 чалавек Шчыльнасць 1170 чал./км² Часавы пояс UTC+1, улетку UTC+2 Тэлефонны код +48 89 Паштовыя індэксы 14-300 да 14-331 Аўтамабільны код NOS Афіцыйны сайт http://www.morag.pl (польск.)

Моранг

Моранг на Вікісховішчы

Моранг (польск. Morąg, нямы. Mohrungen) — горад на поўначы Польшчы ў Варміньска-Мазурскім ваяводстве (Аструдскі павет) паміж гарадамі Ольштынамі Эльблангам, у 55 км ад мяжы з Калінінградскай вобласцю Расіі (90 км ад Калінінграда), адміністрацыйны цэнтр аднайменнай гміны.

У 1975—1998 гадах уваходзіў у Альштынскае ваяводства. Насельніцтва 14 239 чалавек.

У маі 2010 года ў горадзе была размешчана амерыканская ваенная база — батарэя ракет Пэтрыёт.

Геаграфія

Від на горад

Старая ратуша

Горад размешчаны ў заходняй частцы Вармінска-Мазурскага ваяводства, у гістарычнай вобласці Пагезанія, у былой Верхняй Прусіі (ням.: Oberland) у 44 кіламетрах ад сталіцы ваяводства — Ольштына.

У 13 кіламетрах ад Моранга праходзіць аўтамагістраль E77 — важная трансеўрапейская дарога, якая вядзе з Расіі праз Эстонію, Літву, Латвію, Польшчу і Славакію ў Венгрыю. Акрамя таго, праз Моранг праходзіць чыгунка з Ольштына ў Эльбланг і пачынаецца чыгуначная галіна на Аструду.

Горад акружаны пагорыстай мясцовасцю з сельскагаспадарчымі плошчамі, участкамі лесу і азёрамі. Побач з горадам размешчана возера Скертанг (польск.: Skiertąg, ням.: Scherting See).

Гісторыя

Дакладнай даты ўзнікнення Моранга немагчыма вызначыць. Гісторыкі схільны адносіць яе да канца XIII стагоддзя. Праблемы з'яўляюцца таксама пры вызначэнні паходжання назвы горада. Маюцца гіпотэзы, што яна ўзнікла ад прускай назвы возера Маурин або Морын, аднак не захавалася ніякіх дакументаў пра прысваенне гарадскіх правоў, таму нельга вызначыць бясспрэчна, калі Моранг атрымаў гарадскія правы. Мяркуецца, што гэта здарылася каля 1327 года.

Мемарыял савецкіх воінаў у Моранзе

У 1414 годзе падчас вайны паміж палякамі і тэўтонскімі рыцарамі горад цалкам спалены. Падобнае здарылася і ў 1697 годзе. Драўляныя пабудовы горада крытыя саломай гарэлі яшчэ некалькі разоў. Горад не пазбегла халера ў 1427 годзе і эпідэмія чумы напачатку XVII стагоддзя. Тэўтонска-польскія, шведскія войны, напалеонаўская кампанія (25 студзеня 1807 года адбылася бітва пад Морангам напалеонаўскай арміі пад камандаваннем маршала Францыі Бернадота, будучага шведскага караля, і расійскай арміяй, якая прайграла бітву, падчас якой загінуў рускі генерал Раман Анрэп), а жыхары горада пераходзілі на працягу некалькіх дзён пад уладу французскай, рускай і прускай армій, а таксама знішчаючыя горад ваенныя падзеі ў 1945 годзе папаўняюць драматычныя старонкі гісторыі горада.

У 1577 годзе здарыўся моцны лівень з градабіццем, землетрасенне было ў 1818 годзе, частыя былі ўраганы і завеі. Але Моранг кожны раз адраджаўся.

Славутасці

• Стары замак рыцараў Тэўтонскага ордэна.
• Рэшткі старых гарадскіх умацаванняў
• Каталіцкая царква святых Пятра і Паўла, падмурак і частка першага паверху — XIV стагоддзе.
• Гатычная ратуша, моцна пашкоджаная ад бамбёжак Другой сусветнай вайны.

Вядомыя асобы горада

• Іаган Готфрыд Гердэр — выбітны нямецкі гісторык культуры, крытык, паэт
• Абрахам Калаў — вядомы нямецкі матэматык, філосаф і тэолаг
• Збігнеў Ненацкі — польскі паэт
• Елізавета фон Тадэн — нямецкая настаўніца, удзельніца руху Супраціўлення
• Бернд Хайнэ — нямецкі лінгвіст і афрыканіст

Рост насельніцтва

Рост насельніцтва з 1740 года
1769	1782	1820	1880	1885	1890	1900	1910	1925	1933	2003	2008
1067	1753	2108	3742	3879	3780	4025	4147	4934	5414	14570	14239

Гл. таксама

• Гісторыя Польшчы
• Вармінска-Мазурскае ваяводства
• гміна Моранг