З пляцоўкі Вікіпедыя.
Міёры, Мёры — горад у Віцебскай вобласці Беларусі, адміністрацыйны цэнтр Міёрскага раёна, на беразе Міёрскага возера. У 190 км ад Віцебска. Чыгуначная станцыя на лініі Друя—Варапаева. Аўтадарогамі злучаныя з Дзісной, Верхнядзвінскам, Браславам, Шаркаўшчынай. Насельніцтва 8,7 тыс. чал. (2009).
Вядомыя з 1567 г. як мястэчка Мёры (назва захоўвалася да 19 ст.) у Браслаўскім павеце ВКЛ. У 1621 г. уладальніца маёнтка Мёры Н. Мірская заснавала тут царкву. З 1644 г. у Міёрах існуе праваслаўны манастыр. У 1691 г. пабудаваны касцёл (існаваў да сяр. XIX ст.). З 1793 г. у складзе Расіі, цэнтр воласці Дзісненскага павета. У 2-й пал. XIX ст. у Міёрах праводзіліся па 2 кірмашы ў год, меліся царкоўнапрыходская і народная школы. З 1921 г. — у складзе Польшчы. З 1939 г. у БССР. З 1940 — цэнтр раёна. З 1957 гарадскі пасёлак, з 1972 г. — горад.
Прадпрыемствы харчовай, камбікормавай, першаснай апрацоўкі льна прамысловасці. Гасцініца.
Міёрскі гісторыка-этнаграфічны музей.
[правіць] Выдатныя мясціны
- Міёрскі касцёл Унебаўзяцця Найсв. Панны Марыі
