Горад Нантэр

Горад Нантэр фр.: Nanterre Герб Каардынаты 48.891389, 2.20444448°53′29″ пн. ш. 2°12′16″ у. д.48.891389° пн. ш. 2.204444° у. д.    Краіна Францыя Рэгіён Іль-дэ-Франс Дэпартамент О-дэ-Сен Мэр Patrick Jarry Плошча 12,19 км² Вышыня цэнтра 30 м Насельніцтва (2005) 87800 чалавек Шчыльнасць 7203 чал./км²

Нантэр

Нантэр на Вікісховішчы

Нантэр (фр.: Nanterre) — горад ва Францыі, адміністрацыйны цэнтр дэпартамента О-дэ-Сен, адзін з найбуйнейшых прыгарадаў Парыжа, які знаходзіцца ў 11 кіламетрах ад цэнтра французскай сталіцы. Насельніцтва горада — каля 90 тыс. жыхароў.

На яго тэрыторыі размешчаны ўстановы і арганізацыі рэгіянальнага, сталічнага, агульнадзяржаўнага і міжнароднага значэння: прэфектура дэпартамента Верхняя Сена, Гандлёва-прамысловая Палата Парыжа, Танцавальная школа Парыжскай Оперы, Універсітэт Парыж X - Нантэр (33 000 студэнтаў), Архітэктурная школа, консульствы замежных дзяржаў (Марока, Туніс, Алжыр), штаб-кватэры шэрагу буйных кампаній і фірмаў.

Размяшчэнне на карце Парыжа

Прамысловасць прадстаўлена такімі галінамі як электроніка, электратэхніка, металургія, аўтаматыка.

У маі 1968 года ў Нантэры прайшлі студэнцкія хваляванні, якія прывялі да ўсеагульнай забастоўкі, якая стала самай буйнай забастоўкай у гісторыі працоўных рухаў Францыі, а таксама да крызісу грамадства і, як выказаўся ў той час дэ Голь, да «крызісу цывілізацыі».

Гарады-пабрацімы

1. Уотфард (англ.: Watford), Вялікабрытанія (1960)
2. Вялікі Ноўгарад, Расія (1974)