Горад Нарбона
Горад
|
||||||||||||||||||
  Нарбона
|
||||||||||||||||||
Нарбона (фр.: Narbonne, акс. Narbona) — старажытны горад у французскім дэпартаменце Од, знаходзіцца ў 12 км ад Ліёнскага заліва, на адгалінаванні Паўднёвага канала, які злучае Міжземнае мора з Атлантычным акіянам. Насельніцтва горада складае 46510 жыхароў (1999).
Змест |
Гісторыя [правіць]
Нарбона вырасла з паселішча Нарбо (лац.: Narbo) — першай рымскай калоніі ў Галіі, заснаванай яшчэ ў 118 годзе да н.э. У той час горад стаяў на беразе Міжземнага мора і служыў важным марскім портам. У часы імперыі гэта быў таксама ваенны пункт і сталіца Паўднёвай, або Нарбонской Галіі. Пасля бітвы пры Нарбоне ў 436 годзе тут запанавалі вестготы. Адзін час Нарбона мела значэнне іх сталічнага граду. У 719—759 гадах Нарбона і навакольная вобласць (Септыманія) валодалі сарацыны.
У Сярэднявеччы паўднёвая частка Нарбоны кіравалася графамі Тулузы, а паўночная — мясцовымі епіскапамі. Затым да XVI стагоддзя Нарбона складала самастойнае графства.
Славутасці [правіць]
Сабор Святога Жуста, закладзены ў 1272 годзе, так і не быў дабудаваны. Ён знакаміты незвычайна высокімі хорамі і ў цэлым варты ўзоры гатычных храмаў поўначы Францыі. Базіліка святых Паўла і Сергія — адзін з першых на поўдні Францыі прыкладаў готыкі. Палац архіепіскапаў быў перабудаваны ў XIX стагоддзі; ад яго сярэднявечнага папярэдніка захавалася некалькі магутных вежаў. У цяперашні час у палацы размешчаны краязнаўчы музей.
Выхадцы [правіць]
- Святы Тэадард (пам. 893) — архібіскуп Нарбоны
- Гіраўт Рык'е (каля 1230 — каля 1295) — апошні трубадур
- Шарль Трэнэ (1913—2001) — папулярны спявак і кампазітар
Спасылкі [правіць]
На ВікіСховішчы ёсць медыяфайлы па тэме Горад Нарбона- Афіцыйны сайт горада
- Нарбона ў Брытанскай энцыклапедыі
