Палу (Сулавесі)

Горад Палу Palu Герб Краіна Інданезія Рэгіён Цэнтральны Сулавесі Каардынаты 0°54′ пд. ш. 119°50′ у. д. Заснаваны 27 верасня 1978 Горад з 1978 Плошча 395 км² Вышыня цэнтра 118 м Афіцыйная мова інданезійская Насельніцтва 335297 чалавек (2010) Канфесійны склад іслам, хрысціянства Часавы пояс UTC+8 Тэлефонны код +62 451 Афіцыйны сайт palukota.go.id Палу на карце Інданезіі

Медыяфайлы на Вікісховішчы

Па́лу (індан.: Palu) — горад, адміністрацыйны цэнтр інданезійскай правінцыі Цэнтральны Сулавесі. Насельніцтва (2010 г.) — 314 812 чал.

Геаграфія

Горад Палу месціцца на беразе вузкага аднайменнага заліва на невысокім вулканічным плато. Найвышэйшы пункт горада — 118 м. Клімат экватарыяльны. Навакольная даліна — адзін з самых засушлівых раёнаў Інданезіі.

Гісторыя

Палу вядомы з дакументаў XVII — XVIII стст. як порт, праз які бугі і макасарцы гандлявалі прыбярэжнымі таварамі з галандцамі. У пачатку XX ст. быў уключаны ў склад каланіяльных валоданняў Нідэрландаў. Падчас II Сусветнай вайны выкарыстоўваўся японскімі акупантамі як адміністрацыйны цэнтр паўночна-заходняга ўзбярэжжа Сулавесі. У 1950 г. далучаны да Інданезіі. У 1964 г. стаў адміністрацыйным цэнтрам правінцыі Цэнтральны Сулавесі. У 1978 г. атрымаў статус горада.

У 2004 г. пацярпеў ад моцнага землятруса.

29 верасня 2018 г. прыбярэжная частка і аэрапорт пацярпелі ад моцнага землятрусу і цунамі. Загнула не меней за 384 чал.

Эканоміка

Горад Палу — важны транспартны цэнтр Цэнтральнага Сулавесі. Порт Палу звязаны паромнай пераправай з Калімантанам. Працуе аэрапорт. Каля Палу заснавана асобая эканамічная зона (1520 га), на тэрыторыі якой існуюць падатковыя палёгкі для прамысловых прадпрыемстваў.

Спасылкі

• Афіцыйная старонка Архівавана 22 ліпеня 2014.
• Інвестары прыглядаюцца да спецыяльнай эканамічнай зоны Палу