Горад Пр'евідза

Горад Пр'евідза Prievidza 48.766667, 18.63333348°46′00″ пн. ш. 18°38′00″ у. д.48.766667° пн. ш. 18.633333° у. д.    Краіна Славакія Першае згадванне 1113 Плошча 40,5 км² Вышыня цэнтра 280 м Насельніцтва (2009) 50 484 чалавек Шчыльнасць 1246 чал./км² Часавы пояс UTC+1, улетку UTC+2 Тэлефонны код 0 46 Паштовы індэкс 971 01 Афіцыйны сайт http://www.prievidza.sk

Пр'евідза

Пр'евідза на Вікісховішчы

Пр'евідза (венг. Privigye, ням.: Priwitz) — горад у заходняй Славакіі, на рацэ Нітры ў падножжа горнага масіва Втачнік. Насельніцтва каля 51 тыс. чалавек.

Гісторыя

Пр'евідза быў ўпершыню згаданы ў 1113 годзе ў лісце зобарскіх бэнедыкцінцаў. У 1325 годзе стаў горадам, у 1383 годзе стаў вольным каралеўскім горадам. З XVI да першай трэці XVII ст. горад кантралявала сям’я Турза. У 1431—1433 быў разбураны гусітамі. У 1599 годзе патрываў напад з боку туркаў. Падчас паўстання ў 1673 годзе Пр'евідза згарэў, у пламені была згубленая частка архіва горада. У 1678 горад разараюць куруцы князя Цёкёя. У 1709—1711 — чума. У 1831 — халера.

У 1870 годзе насельніцва складала 2719 чалавек. З канца XIX — пачатку XX стст. пачынаецца індустрыялізацыя горада, была пабудаваная чыгунка. Узнікае фабрыка «Карпатыя». Падчас Другой сусветнай вайны горад быў адным з цэнтраў партызанаў. Пасля 1945 года адчыняецца шмат шахтаў і пачынаецца здабыча вугля. Пасля сканчэння вайны насельніцтва горада рэзка ўзрасло з 5000 да 53 000 жыхароў. Пр'евідза стаў домам для шматлікіх шахцёраў і работнікаў, якія знайшлі работу ў вугальных шахтах, электрастанцыях і хімічным заводзе ў суседнім горадзе Новакі.

Адміністрацыйны падзел

Пр'евідза складаецца з 5 раёнаў: Старэ Места, Пілы, Нэцпалы, Копаніцэ, Запатоцкага і трох былых вёскаў, аб'яднаных у раён (Градэц, Мала Легуатка і Велька Легуатка).

У Сеціве

• На ВікіСховішчы ёсць медыяфайлы па тэме Горад Пр'евідза