Горад Пусан

Горад-метраполія Пусан 부산 광역시, 釜山廣域市 Герб Краіна Паўднёвая Карэя Статус Горад-метраполія (кван'ёксі) Унутранае дзяленне 15 ку, 1 кун Мэр Хо Нам Сік Ранейшыя назвы Тоннэбу, Фудзан Плошча 765,46 км² Насельніцтва (2009) 3 535 620 чалавек Шчыльнасць 4825 чал./км² Часавы пояс UTC+9 Тэлефонны код 051 Афіцыйны сайт http://www.busan.go.kr/

Пусан на Вікісховішчы

35.150833, 129.056667

Пуса́н (кар.: 부산) — найвялікшы порт і другі пасля Сеула горад ў Рэспубліцы Карэя, вядомы як «Марская сталіца Рэспублікі Карэя».

З'яўляецца горадам непасрэднага падпарадкавання. Афіцыйная назва — Горад-метраполія Пусан (кар.: 부산광역시).

Пусан месціцца на паўднёва-усходняй аканечнасці Карэйскага паўвострава на беразе Карэйскага праліва. Найбольш густа забудаваныя раёны знаходзяцца ў некалькіх вузкіх далінах між рэкамі Нактанган і Суёнган, горы з'яўляюцца натуральнымі межамі некаторых гарадскіх раёнаў.

У 2002 годзе ў Пусане праводзіліся Азіяцкія гульні і Чэмпіянат свету па футболе 2002, а ў 2005 годзе горад быў сталіцай форума АЦЭС. 14 лістапада 2005 года быў абвешчаны прэтэндэнтам на правядзенне Алімпійскіх гульняў 2020 года.

Пусан вядомы шматлікімі небаскробамі і іншымі архітэктурнымі славутасцямі. Тут знаходзіцца самы вялікі ўнівермаг ў свеце — «Сінсеге Сентум Сіці». У горадзе таксама будуецца іншы мега-будынак — хмарачос «Лотэ Супер Таўэр». У гэтым будынку мусіць быць 110 паверхаў, праектная вышыня — 510 метраў. У 2013 годзе, калі будаўніцтва будзе скончана, «Лотэ Супер Таўэр» трапіць у лік найвышэйшых небаскробаў свету.

Транспарт

Порт Пусан — буйнейшы ў Паўднёвай Карэі, ім маюць магчымасць карыстацца судны водазмяшчэннем да 50 тыс. тон, даўжынёй да 330 метраў і асадкай да 12,5 метраў.

Таксама, Пусан буйны чыгуначны вузел, у горада ёсць міжнародны аэрапорт Кімхэ, метрапалітэн, добра развітая сетка аўтобуснага руху, таксі і водны «трамвай».

У горадзе знаходзіцца самы доўгі мост Паўднёвай Карэі — Кван'ан.

Вышэйшая адукацыя ў Пусане

Універсітэты

• Пусанскі нацыянальны ўніверсітэт
• Нацыянальны ўніверсітэт Пугён
• Пусанскі ўніверсітэт замежных моў
• Марскі ўніверсітэт Карэі
• Пусанскі нацыянальны педагагічны ўніверсітэт
• Універсітэт Тона
• Універсітэт Тон'і
• Універсітэт Кёнсон
• Універсітэт Сіла
• Універсітэт Тонса
• Універсітэт Тонмён
• Універсітэт інфармацыйных тэхналогій Тонмён
• Універсітэт Кансін
• Пусанскі каталіцкі ўніверсітэт
• Пусанскі ўніверсітэт Чансін
• Універсітэт Ёнсан