Горад Равена

Горад

Равена
Ravenna

Каардынаты Каардынаты: 44°25′00″ пн. ш. 12°12′00″ у. д. / 44.416667° пн. ш. 12.2° у. д. ^(G) ^(O) ^(Я)44.416667, 12.244°25′00″ пн. ш. 12°12′00″ у. д. / 44.416667° пн. ш. 12.2° у. д. ^(G) ^(O) ^(Я)

Краіна	Італія
Рэгіён	Эмілія-Раманья
Правінцыя	правінцыя Равена
Плошча	652 км²
Вышыня цэнтра	4 м
Афіцыйная мова	італьянская
Насельніцтва (2004)	146 989 чалавек
Шчыльнасць	221,56 чал./км²
Этнахаронім	Ravennati
Часавы пояс	UTC+1, улетку UTC+2
Тэлефонны код	0544
Паштовы індэкс	48100
ISTAT	039014
Афіцыйны сайт	http://www.comune.ravenna.it/ (італ.)

Равена

Равена на Вікісховішчы

Раве́на (іт. Ravenna [ra'ven:a], эміл.-ром.: Ravêna, лац.: Ravenna) — горад у італьянскім рэгіёне Эмілія-Раманья, размешчаны на выдаленні 10 км ад Адрыятычнага мора, з якім яго злучае канал. Пасля 402 года — сталіца Заходняй Рымскай імперыі, затым па чарзе сталіца дзяржавы остготаў, Равенскага экзархата і Лангабардскага каралеўства. Восем равенскіх помнікаў эпохі позняй антычнасці занесены ЮНЕСКА ў спіс Сусветнай спадчыны.

[правіць] Агульныя звесткі

Равена размешчана ў нізіннай мясцовасці, якая ўтварылася пры заглейванні Адрыятыкі. Адміністрацыйны цэнтр аднайменнай правінцыі. Заступнікам горада лічыцца святы Апалінарый. Дзень горада — 23 ліпеня.

[правіць] Помнікі

Маўзалей Тэадорыха

Равена багата помнікамі раннехрысціянскай і візантыйскай архітэктуры і першым чынам манументальна-дэкаратыўнага жывапісу. У 1996 годзе ў склад Сусветнай спадчыны ЮНЕСКА былі ўключаны наступныя аб'екты:

маўзалей Галы Плацыдзіі (каля 440 года);
баптыстэрый праваслаўных (сярэдзіна V стагоддзя);
баптыстэрый арыян;
базіліка Сант-Апалінарэ Нуова (пачатак VI стагоддзя);
базіліка Сан-Вітале (526—547 гады);
архіепіскапская капэла (канец V — пачатак VI стагоддзяў);
маўзалей Тэадорыха (каля 520 года, па-за гарадскімі сценамі);
базіліка Сант-Апалінарэ ін Класэ (549 год, па-за гарадскімі сценамі).

Інтэр'еры большасці з азначаных будынкаў упрыгожваюць мазаікі ў візантыйскім духу. Захаваліся руіны так званага палаца Тэадорыха (пачатак VI стагоддзя або VIII стагоддзе).

З больш позніх помнікаў найбольшай гісторыка-культурнай вагай маюць:

Кафедральны сабор Святога Духу, пабудаваны ў XVIII стагоддзі на месцы Урсіянавай базілікі пачатку V стагоддзя.
венецыянская крэпасць Бранкалеонэ (XV стагоддзе);
францысканская царква Сан-Франчэска, дзе адпявалі паэта Дантэ, які памёр ў Равене; яго прах быў пахаваны каля базілікі ў маўзалеі эпохі класіцызму.

Шаблон:Помнікі Равены