Горад Санкт-Пёльтэн

Горад

Санкт-Пёльтэн
Sankt Pölten

Герб

Каардынаты Каардынаты: 48°12′00″ пн. ш. 15°37′00″ у. д. / 48.2° пн. ш. 15.616667° у. д. ^(G) ^(O) ^(Я)48.2, 15.61666748°12′00″ пн. ш. 15°37′00″ у. д. / 48.2° пн. ш. 15.616667° у. д. ^(G) ^(O) ^(Я)

Краіна	Аўстрыя
Федэральная зямля	Ніжняя Аўстрыя
Акруга	акруга Санкт-Пёльтэн
Бургамістр	Маціяс Штадлер (СДПА)
Плошча	108.48 км²
Вышыня цэнтра	267 м
Афіцыйная мова	нямецкая
Насельніцтва (2005)	51 073 чалавек
Часавы пояс	UTC+1, улетку UTC+2
Тэлефонны код	02742
Паштовы індэкс	3100
Аўтамабільны код	P
Афіцыйны код	3 02 01
Афіцыйны сайт	http://www.st-poelten.gv.at (ням.)
від:

Санкт-Пёльтэн

Санкт-Пёльтэн на Вікісховішчы

Санкт-Пёльтэн (ням.: Sankt Pölten, St Pölten) — горад у Аўстрыі, сталіца і найбуйнейшы горад зямлі Ніжняя Аўстрыя. Насельніцтва - 49 121 чалавек (2001).

[правіць] Транспорт

Праз горад праходзяць аўтамабільная і чыгуначная магістраль Вена — Лінц, дарогі на Крэмс і Марыяцэль, а таксама чыгуначная лінія на Крэмс, Тульн-на-Дунаі, Хайнфельд, Санкт-Эгід-ам-Нойвальдэ, Манк і Марыяцэль.
Дарога на цягніку ад Вены займае каля 40 хвілін, ад Лінца каля 50 хвілін.

[правіць] Гісторыя

У часы Старажытнага Рыма на месцы Санкт-Пёльтэна размяшчаўся рымскі горад Эліум Цэнтыум (Aelium Cetium). Санкт-Пёльтэн сфармаваўся ў VIII стагоддзі вакол бенедыкцінскага абацтва св. Іпаліта (ням.: Sankt Pölten), заснаванага ў 771 годзе, якое і дало імя гораду. Афіцыйна правы гарады Санкт-Пёльтэн атрымаў у 1159 г.

Да 1490 года належаў біскупству Пасау, з 1785 года сам стаў цэнтрам біскупства. У 1986 г. стаў сталіцай зямлі Ніжняя Аўстрыя.

[правіць] Славутасці

Кафедральны сабор

На ВікіСховішчы ёсць медыяфайлы па тэме Горад Санкт-Пёльтэн
Ратушная плошча. Цэнтр старога горада. Пасярод плошчы — калона Святой Тройцы (1782).
Францысканская царква знаходзіцца з поўначы ратушнай плошчы. Пабудавана ў 1768 годзе ў стылі ракако.
Ратуша. Будынак ратушы на паўднёвым боку ратушнай плошчы пабудаваны ў XIV стагоддзі, з тых часоў шматразова перабудоўваўся. Барочны фасад ратушы створаны ў 1727 г.
Манастыр кармелітак. Цяпер у ім размяшчаецца гарадскі музей.
Саборная плошча. Цэнтр былога рымскага горада Эліум Цэнтыум. На плошчы кафедральны сабор (XII стагоддзе, шматразова перабудоўваўся, апошні раз у стылі барока ў 1722 г.). Вышыня званіцы 77 метраў.
Рэзідэнцыя біскупа. Пабудавана ў 1653 г. Цяпер у ёй епархіяльны музей, дзе выстаўлены прадметы рэлігійнага мастацтва.
Замак Потэнбрун у Потэнбруне. У палацы экспануецца калекцыя сярэднявечных кубкаў.