Сантарэн (Партугалія)

Горад Сантарэн парт.: Santarém Герб Сцяг Краіна Партугалія Каардынаты 39°14′13″ пн. ш. 8°41′06″ з. д. Плошча 558,29 км² Водныя аб’екты Таха Насельніцтва 63563 чалавекі (2001) Шчыльнасць 114 чал./км² Часавы пояс UTC0, летам UTC+1 Паштовыя індэксы 2000 Афіцыйны сайт cm-santarem.pt (парт.) Сантарэн на карце Партугаліі

Медыяфайлы на Вікісховішчы

Сантарэн (парт.: Santarém; [sɐ̃tɐˈɾɐ̃ĩ]) — горад у Партугаліі, цэнтр аднайменнай акругі і муніцыпалітэта, цэнтр гістарычнай правінцыі Рыбатэжу. Колькасць насельніцтва — 28,9 тыс. жыхароў (горад), 63,6 тыс.жыхароў (муніцыпалітэт). Горад і муніцыпалітэт уваходзіць у эканоміка-статыстычны рэгіён Алентэжу і субрэгіён Лезырыя-ду-Тэжу. Па старым адміністрацыйным дзяленні ўваходзіў у правінцыю Рыбатэжу. Горад названы па імені святой Ірыны Тамарскай, якая з'яўляецца заступніцай горада.

Царква Граса

Вуліцы города

Мост праз раку Тэжу

Вежа Кабасаш

Геаграфія

Горад размешчаны на правым беразе Тэжу, у 65 км на паўночны ўсход ад Лісабона.

Муніцыпалітэт мяжуе:

на поўначы — муніцыпалітэты Порту-дэ-Мош, Алканена, Торэш-Новаш

на ўсходзе — муніцыпалітэты Галеган, Шамушка

на паўднёвым усходзе — муніцыпалітэты Алпіярса, Алмейрын

на поўдні — муніцыпалітэт Карташоў

на паўднёвым захадзе — муніцыпалітэт Азамбужа

на захадзе — муніцыпалітэт Рыу-Маёр

Гісторыя

Горад заснаваны ў 1095 годзе.

Старажытнае паселішча на месцы сучаснага Сантарэна існавала ўжо ў VIII стагоддзі да н.э. У 138 годзе да н.э. тэрыторыя была захоплена рымлянамі, і горад атрымаў назву Scalabis. У перыяд рымскага панавання Scalabis быў адным з найважнейшых адміністрацыйных цэнтраў правінцыі Лузітанію. Пасля заваёвы аланамі і вандаламі назва горада было зменена на Santa Iria або Santa Irene (святая Ірына), ад якога і паходзіць сучасная партугальская назва. У 715 годзе горад быў захоплены маўрамі. Вернуты пад юрысдыкцыю партугальскага караля Дона Афонсу Энрыкеша ў 1147. Горад іграў важную ролю ў сярэднявечнай Партугаліі. Тут праходзілі картэсы. Кароль Фернанду I (1345—1383) быў пахаваны тут у францысканскім манастыры. Горад сур'ёзна пацярпеў у выніку землетрасення ў 1755. Сучасны Сантарэн атрымаў статус горада ў 1868. У пачатку XIX стагоддзя быў захоплены і разрабаваны войскамі Напалеона.

Выбітныя ўраджэнцы і жыхары

• Фернанду I

Гарады-пабрацімы

•  Бадахос, Іспанія
•  Грандола^[d], Партугалія
•  Кукельберг^[d], Бельгія
•  Мекнес, Марока (2 кастрычніка 1989)
•  Сантарэн^[d], Бразілія
•  Тыргавіштэ, Румынія

Спасылкі

• На Вікісховішчы ёсць медыяфайлы па тэме Сантарэн (Партугалія)