Горад Стэнфард, Каліфорнія

З пляцоўкі Вікіпедыя
Перайсці да: рух, знайсці
Статыстычна адасобленая мясцовасць
Стэнфард
англ.: Stanford

Каардынаты: 37°25′21″ пн. ш. 122°09′55″ з. д. / 37.4225° пн. ш. 122.165278° з. д. (G) (O) (Я)37°25′21″ пн. ш. 122°09′55″ з. д. / 37.4225° пн. ш. 122.165278° з. д. (G) (O) (Я)

Краіна
Штат
Акруга
Плошча
7,2 км²
Вышыня цэнтра
23 м
Насельніцтва (2000)
13 315 чалавек
Нацыянальны склад
белыя 60,4%
азіяты 25,6%
негры 4,9%
карэнныя росы 0,9%
іншыя 3,7%
змяшаныя 4,6%
Часавы пояс
Тэлефонны код
+1 650
Паштовы індэкс
94305, 94309

Стэнфард (ЗША)
Стэнфард
Стэнфард

Стэнфард (Каліфорнія)
Стэнфард
Стэнфард

Стэнфард (англ.: Stanford) — статыстычна адасобленая мясцовасць у акрузе Санта-Клара ў Каліфорніі (ЗША), якая мяжуе з Пала-Альта. Практычна цалкам уяўляе сабой універсітэцкі гарадок, насельніцтва складаюць студэнты, выкладчыкі і даследчыкі Стэнфардскага ўніверсітэта. Жылы раён Каледж-Тэрэйс, які прылягае да ўніверсітэта, уваходзіць у муніцыпальныя межы Пала-Альта.

Насельніцтва[правіць | правіць зыходнік]

Паводле перапісу насельніцтва 2000 года, у Стэнфардзе пражывала 13 315 чалавек (13 676 у 2007 годзе). Насельніцтва Стэнфарда па шэрагу параметраў адрозніваецца ад насельніцтва ЗША і штата Каліфорнія, што абумоўлена яго складам — студэнты і выкладчыкі. У прыватнасці, у Стэнфардзе пражывае значна больш высокі працэнт насельніцтва ў працаздольным узросце з 18 да 65 гадоў (93 % супраць 74 % у цэлым па краіне) і нізкі працэнт дзяцей да 5 гадоў (3 % супраць 7 %). Сярэдні ўзрост жыхара Стэнфарда ў 2007 годзе быў у паўтара разы ніжэйшы, чым па Каліфорніі ў цэлым (22,1 супраць 33,3 года). Больш за 94 % насельніцтвы Стэнфарда ва ўзросце 25 гадоў і старэй мае прынамсі першую навуковую ступень (24 % у сярэднім па краіне). Звыш чвэрці жыхароў Стэнфарда азіяцкага паходжання (менш за 4 % у сярэднім па ЗША), больш за 25 % нарадзіліся па-за межамі ЗША (11 % па краіне). Толькі 27 % мужчынскага насельніцтва Стэнфарда і менш за 30 % жаночага насельніцтва знаходзіцца ў шлюбе, тады як па ЗША доля жанатых і замужніх перавышае 50 %.

Адрозніваецца насельніцтва Стэнфарда ад сярэднеамерыканскага і па эканамічных паказчыках. У прыватнасці, у Стэнфардзе значна вышэй доля насельніцтва, якое карыстаецца здымным жыллём (75 % адзінак жылля ідуць на здым супраць 34 % у сярэднім па краіне), і доля насельніцтва, якое пражывае ніжэй рысы беднаты (21 % супраць 12 % па ЗША), пры тым, што ў сярэднім даход на душу насельніцтва (22 443 долара ЗША) некалькі перавышае аналагічны нацыянальны паказчык (21 587 долараў).

Палітыка[правіць | правіць зыходнік]

Па палітычных поглядах насельніцтва Стэнфарда мае левы нахіл. Паводле даных за 2002 год, 54 % насельніцтва падтрымлівалі дэмакратаў і толькі 36 % падтрымлівалі рэспубліканцаў. На прэзідэнцкіх выбарах 2000 года 56 % выбаршчыкаў прагаласавалі за кандыдата ў прэзідэнты ад дэмакратычнай партыі Альберта Гора[1].

Спорт[правіць | правіць зыходнік]

У ліпені праводзіцца жаночы тэнісны турнір Bank of the West Classic, які з 2009 года адносіцца да катэгорыі прэм'ер-турніраў WTA. Гульні праходзяць на адкрытых хардавых кортах.

Славутасці[правіць | правіць зыходнік]

Стэнфардская «Талерка»

У Стэнфардзе размешчаны Цэнтр мастацтваў імя Кантара (англ.: Cantor Arts Center) і карцінная галерэя Томаса Уэлтана, якая з'яўляецца часткай факультэта гісторыі мастацтва[2], а таксама парк скульптур Радэна[3], які змяшчае 200 прац скульптара, уключаючы копіі «Вароты Пекла» і «Грамадзян Кале»[4].

Яшчэ адной славутасцю Стэнфарда лічыцца радыётэлескоп, у прастамоўі названы проста «Талеркай» (англ.: The Dish)[3].

Побач са студгарадком Стэнфарда размешчаны запаведнік Джаспер Рыдж (англ.: Jasper Ridge Biological Preserve), які выкарыстоўваецца для даследаванняў супрацоўнікамі і студэнтамі ўніверсітэта[5].

Зноскі

Спасылкі[правіць | правіць зыходнік]