Горад Тронхейм
З пляцоўкі Вікіпедыя.
Тронхейм (нарв. Trondheim), таксама Trondhjem; паўд.-саамск. Råante; старажытная назва Nidaros) — горад у Нарвегіі, знаходзіцца ля вусця ракі Нідзельвы. Трэці па колькасці насельніцтва (161 730 - 2007) горад краіны пасля Осла і Бергена.
Адміністрацыйны цэнтр фюльке Сёр-Трондэлаг. Заснаваны ў 997 годзе. Старажытная сталіца Нарвегіі (да 1217) і самы буйны цэнтр паломніцтва ў Паўночнай Еўропе (да мошчаў Олава Святога); старая назва — Нідарас. У познім Сярэднявеччы назва горада змянілася на Тронхейм, і гэтая назва была асноўнай у дацкі перыяд. У 1930 была вернута старая назва, Нідарас, але пасля пратэста жыхароў ужо ў наступным, 1931 годзе горад зноў зрабіўся Тронхеймам.
