Горад Тула, Мексіка

З пляцоўкі Вікіпедыя
Перайсці да: рух, знайсці
Аграмадныя каменныя калоны у выглядзе ваярощ (дах храма знесены).

Тула — старажытная сталіца тальтэкаў, адной з галоўных дакалумбавых культур Месаамерыкі. Нярэдка яе атаясамліваюць з міфічным горадам Таланам. Тула размешчаная ў 65 км на паўночны захад ад Мехіка.

Тальтэкі прыйшлі як вандроўцы з поўначы Мексікі, што ў гісторыі Месаамерыкі здаралася часта. На працягу пэўнага часу яны сталі галоўнай сілай у раёне Тулы, які знаходзіўся раней у сферы ўплыву Тэатыўакана.

Найбольш вядомым з захаваным збудаванняў з'яўляецца Піраміда Ранішняй Зоркі (таксама Храм Кецалькаатля, Храм Тлаўіскальпантэкутлі, або Храм Б), на платформе якой стаіць група з пяціметровых каменных ваяроў, якія неслі калісьці дах храма. Ля ўваходу стаяць велічэзныя статуі змей. Уражлівым з'яўляецца і вялікі фрыз, на якім намаляваныя ягуары і арлы, якія пажыраюць чалавечыя сэрцы. У калонных залах палацавага комплексу захаваліся арыгінальныя малюнкі.

Міфічная гісторыя горада апавядае пра тое, як ў 947 годзе быў народжаны Кецалькаатль («птушыны змей») і ў 980 годзе узышоў на трон. Тэскатліпока («дымлівае люстэрка») арганізаваў мяцеж, і Кецалькаатль з вялікай колькасцю тальтэкаў быў вымушаны пакінуць Тулу. Частка з іх пасялілася на тэрыторыі міштэкаў. Другая частка мігравала ва ўладанні майя на паўвостраў Юкатан, дзе заснавала горад Чычэн-Іца. У архітэктуры далёкіх адзін ад аднаго гарадоў на самай справе прасочваюцца шматлікія паралелі.

У XIII стагоддзі Тула ​​была канчаткова разбурана. Велізарныя постаці воінаў ля падножжа піраміды былі рытуальна закапаныя і дзякуючы гэтаму захаваліся да сённяшняга дня.

Спасылкі[правіць | правіць зыходнік]

Тула (Мексіка)(руск.)