Горад Фаніпаль

Горад Фаніпаль Герб Каардынаты 53.75, 27.333453°45′00″ пн. ш. 27°20′00.24″ у. д.53.75, 27.3334    Краіна Беларусь Вобласць Мінская Раён Дзяржынскі Першае згадванне 1856 Плошча 4,75 км² Насельніцтва (2010) 12 700 чалавек Часавы пояс UTC+2 Тэлефонны код +375 1716 Паштовы індэкс 222750 Аўтамабільны код 5

Фаніпаль Фаніпаль

Фаніпаль на Вікісховішчы

Фаніпаль — горад раённага падпарадкавання ў Дзяржынскім раёне Мінскай вобласці Беларусі. Размешчаны ў 13 км на паўднёвы захад ад МКАД, на аўтамабільнай магістралі М1, чыгуначная станцыя на лініі Мінск—Баранавічы. У 15 км да поўнача-усходу ад г. Дзяржынск, 22 км ад Мінска. Насельніцтва 12,7 тыс. чал. (2010).

Гісторыя

Вядомы з пач. 19 ст. у складзе Самахваліцкай воласці Мінскага павета, уласнасць Энельфельдтаў і Багдашэўскіх. Сучасная назва з канца 19 ст., паводле падання вёска атрымала цяперашнюю назву ад імёнаў дачок мясцовага пана Багдашэўскага — Фані і Полі. У 1870 пачалася эксплуатацыя чыгуначнага прыпыначнага пункту ў Фаніпалі. У 1871 пачалася эксплуатацыя ў Фаніпалі чыгуначнай станцыі «Токараўская» на чыгунцы Брэст-Масква, 9.8.1876 чыгуначная станцыя «Токараўская» параіменаванная ў чыгуначную станцыю «Фаніпаль». Падчас Вялікай Айчыннай вайны ў горадзе акупантамі ствараны філіял Маладзечанскага лагера смерці. З 1984 гарадскі пасёлак, з 1999 — горад.

Адміністрацыйны падзел

Горад падзеляецца на 5 мікрараёнаў: Маладзёжны, Паўночны, Цэнтральны, Заводскі і Паўднёвы.

Эканоміка

Прадпрыемствы: рамонтна-механічныя, жалезабетонных канструкцый. Мінская нафтабаза, бройлерная птушкафабрыка.

Дэмаграфія

• 2000 — 13,2 тыс. чал.
• 2006 — 12,1 тыс. чал.
• 2010 — 12,7 тыс. чал.

Культура

У горадзе чатыры дашкольныя ўстановы, якія наведваюць каля 500 дзяцей, Фанiпальская музычная школа — 218 навучэнцаў па спецыяльнасцях: фартэпіяна, баян, акардэон, цымбалы, скрыпка, віяланчэль, клас духавых інструментаў. У фаніпальскай гімназіі і сярэдняй школе больш за 2000 навучэнцаў у звычайных, профільных, гімназічных і ліцэйскіх класах. Ёсць гарадская бібліятэка — 2115 чытачоў, з іх 895 навучэнцы. Царква (2005).

Літаратура

• Фаниполь // Туристская энциклопедия Беларуси / редкол. Г. П. Пашков [и др.]; под общ. ред. И. И. Пирожника. — Мн.: Беларуская Энцыклапедыя, 2007. — 648 с. ISBN 978-985-11-0384-9;

У Сеціве

• http://fanipol.com — Інфармацыйны сайт горада Фаніпаль