Горад Хайкоу

З пляцоўкі Вікіпедыя
Перайсці да: рух, знайсці
Горад
Хайкоу
海口市
Holiday Beach 01.jpg

Каардынаты: 20°02′34″ пн. ш. 110°20′30″ у. д. / 20.042778° пн. ш. 110.341667° у. д. (G) (O) (Я)20°02′34″ пн. ш. 110°20′30″ у. д. / 20.042778° пн. ш. 110.341667° у. д. (G) (O) (Я)

Краіна
Плошча
2304,84 км²
Афіцыйная мова
Насельніцтва (2010)
2046189 чалавек
Часавы пояс
Тэлефонны код
+86 (0)898
Паштовы індэкс
570000
Афіцыйны сайт

Хайкоу (Кітай)
Хайкоу
Хайкоу

Хайко́у (кіт.: 海口市) — горад, адміністрацыйны цэнтр кітайскай правінцыі Хайнань. Насельніцтва (2010 г.) - 2 046 189 чал.

Геаграфія[правіць | правіць зыходнік]

Хайкоу знаходзіцца на поўначы вострава Хайнань ля ўзбярэжжа бухты Хайкоу ў 2280 км на паўднёвы захад ад Пекіна і 7761 км на паўднёвы ўсход ад Мінска. Частка тэрыторыі горада месціцца на невялікіх астравах у моры. Агульная плошча, якая знаходзіцца пад гарадскім кіраваннем, - 2304,84 км², але ў яе склад таксама ўваходзяць суседнія селькагаспадарчыя і прамысловыя тэрыторыі. У межах Хайкоу некалькі маляўнічых пясчаных пляжаў.

Клімат горада Хайкоу з'яўляецца пераходным ад субтрапічнага да трапічнага, дастаткова вільготны. Сярэдняя тэмпература ліпеня — ад +25,5° C да 33,1° C, студзеня — ад +15,4° C да 21° C. Сярэднегадавая колькасць ападкаў - 1652,1 мм. Найбольш дажджлівая пара цягнецца з пачатку чэрвеня да канца верасня.

Гісторыя[правіць | правіць зыходнік]

Кітайскія гісторыкі лічаць, што Хайкоу быў заснаваны ўжо ў часы імперыі Хань і з'яўляўся галоўным портам для кітайскага адміністрацыйнага цэнтра Хайнаня, К'юнгшаня (зараз уваходзіць у склад Хайкоу). Сама назва горада значыць "порт" або "бухта". Але ў дакументах яго назва пачала ўзгадвацца толькі ў эпоху імперыі Мін. Ён адыгрываў значную ролю ў гандлі паміж востравам Хайнань і мацерыковым Кітаем, а таксама з краінамі Паўднёва-Усходняй Азіі. Палітыка абмежавання кантактаў з іншаземцамі, якую ў далейшым праводзіла маньчжурская дынастыя, прывяла да часовага заняпаду. Але пасля адкрыцця порта для іншаземных караблёў у 1858 г. Хайкоу хутка рос і з цягам часу ператварыўся ў галоўны эканамічны цэнтр вострава Хайнань.

У 1988 г. Хайкоу быў абвешчаны адміністрацыйным цэнтрам утворанай правінцыі Хайнань.

Эканоміка[правіць | правіць зыходнік]

Хайкоу — важны транспартны і фінансавы цэнтр правінцыі Хайнань. Тут працуюць глыбакаводны порт, міжнародны аэрапорт, ідзе будоўля хуткаснай чыгункі. Прамысловыя прадпрымствы Хайкоу вырабляюць аўтамабілі, вырабы з гумы, фармацэўтыку, перапрацоўваюць сельскагаспадарчую прадукцыю. Важную галіну гарадской эканомікі складае турызм. На поўдні горада дзейнічае свабодная гандлёвая зона (1,93 км²).

Гарады-пабрацімы[правіць | правіць зыходнік]

Спасылкі[правіць | правіць зыходнік]