Грань, тэлесерыял

Грань
Fringe
Жанр(ы)	фантастыка драма
Аўтар(ы) ідэі	Джэй Джэй Абрамс
Прадзюсар(ы)	Джэй Джэй Абрамс
У галоўных ролях	Ганна Торв Джошуа Джэксан Джон Ноўбл Лэнс Рэдык Кёрк Асеведа Блэр Браўн Джэсіка Ніколь
Краіна(ы)	ЗША
Тэлевізійны(я) канал(ы)	FOX (ЗША)
На экранах	з 9 верасня 2008 па цяперашні час
Працягласць серыі	50 хвілін (1 сезон) 43 хвіліны (2—4 сезоны)
Колькасць сезонаў	4
Колькасць серый	87 (Спіс серый)
IMDb	ID 1119644

«Грань», таксама вядомы як «За гранню» (англ.: Fringe) — амерыканскі навукова-фантастычны тэлесерыял Дж. Дж. Абрамса. Прэм'ера серыяла адбылася ў ЗША 9 верасня 2008 года, на каналах Fox, CTV і A, а неўзабаве, 17 верасня 2008 года, прэм'еру ўбачылі і ў Аўстраліі. Далей Еўропа — у Вялікабрытаніі прэм'ера прайшла на канале Sky1 5 кастрычніка, у Швецыі 2 кастрычніка на Kanal 5 і 1 кастрычніка на канале TV3 у Ірландыі. У Расіі серыял пачаў трансліравацца тэлеканалам ТВ3 увесну 2010 года. Руская лакалізацыя для тэлеканала ТВ3 была выканана студыяй ROOM13. На Украіне серыял быў запушчаны 14 верасня 2009 года на «Новым канале».

Нароўні з «Лялечным домам» Джоса Уэдана, «Грань» — частка новай ініцыятывы FOX, вядомай як «Remote-Free TV». Спачатку эпізоды тэлесерыяла «Грань» былі трохі даўжэй, чым стандартныя драмы, наяўныя на тэлебачанні. Гэта стала магчымым дзякуючы памяншэнню рэкламы, што дазволіла дадаць прыблізна 6 хвілін да часу кожнай серыі. Серыял быў падоўжаны на чацвёрты сезон, канал FOX замовіў 22 серыі серыяла. Прэм'ера сезону адбылася 23 верасня 2011 года.

Сюжэт

У серыяле распавядаецца пра спецыяльнага агента ФБР Алівіі Данэм, шалёнага вучонага Уолтэра Бішапа і яго сына Пітэра, якія даследуюць аспекты навукі «за гранню», такія як тэлепатыя, левітацыя, нябачнасць, рэінкарнацыя, генетычная мутацыя і гэтак далей. Адбываецца шэраг загадкавых падзей, званых «Узорам» (у іншым перакладзе — «Схемай», «Мадэллю»).

У «Схему» ўваходзяць такія з'явы, як паскоранае старэнне (нованароджанае дзіця за лічаныя хвіліны сталее і памірае), невытлумачальныя з'явы (аўтобус напаўняецца дзіўным рэчывам, якое імгненна дубянее, а пасажыры становяцца як маскіты ў бурштыне) і шматлікія іншыя анамаліі.

Гэта выглядае так, як быццам хтосьці эксперыментуе над цэлым светам, а Алівія, Пітэр і Уолтэр бяруцца за расследаванне гэтых дзіўных падзей, каб вызначыць іх крыніцу. Яны выяўляюць сувязь «Узору» з карпарацыяй пад назвай «Мэсіў Дайнэмік», якая з'яўляецца вядучай глабальнай даследчай кампаніяй, са мноствам патэнтаў на новыя і важныя тэхналогіі.

Па меры расследавання анамальных з'яў, яны даведваюцца, што існуюць паралельныя Сусветы, дзе ёсць іншая Алівія Данэм і іншы Уолтэр Бішап. Уолтэр парушыў баланс паміж Сусветамі, забраўшы з паралельнага сусвету смяротна хворага Пітэра. Следства гэтага і з'явілася «Схема»...

Спіс серый

Спіс эпізодаў тэлесерыяла «Грань»

Спасылкі

• Афіцыйны сайт серыяла
• Fringewiki.fox.com — Афіцыйная энцыклапедыя
• Fringe Вікі — вікі-энцыклапедыя серыяла «За гранню»