Гран-Пры Бахрэйна 2014 года

Бахрэйнскі
Этап 3 з 19 2014
Дэталі гонкі
Дата	6 красавіка 2014
Афіцыйная назва	2014 Formula 1 Gulf Air Bahrain Grand Prix
Месца	Міжнародны Аўтадром Бахрэйна Сахір, Бахрэйн
Трэк	Пастаянная гоначная траса 5,412 км
Дыстанцыя	57 кругоў, 308,238 км
Надвор'е	Суха
Поўл-пазіцыя
Пілот	Ніка Розберг	Mercedes
Час	1:33,185
Найхутчэйшы круг
Пілот	Ніка Розберг	Mercedes
Час	1:37,020 на крузе 49
Подыум
Першае месца	Льюіс Хэмілтан	Mercedes
Другое месца	Ніка Розберг	Mercedes
Трэцяе месца	Серхіа Перэс	Force India

Гран-пры Бахрэйна 2014 года (араб. جائزة البحرين الكبرى 2014‎‎) — гоначны этап Чэмпіяната Свету ў класе Формула-1, які адбыўся 6 красавіка 2014 на аўтадроме Сахір у Бахрэйне. Кваліфікацыя і гонка ўпершыню адбыліся пры штучным асвятленні. Такім чынам арганізатары гран-пры вырашылі адсвяткаваць дзесяцігоддзе гонкі ў Бахрэйне. Гран-пры таксама быў 900-сотым у гісторыі Чэмпіянатаў Свету па Формуле-1. Этап Гран-пры быў трэцім этапам ў Чэмпіянаце Свету ў сезоне 2014 года.

Льюіс Хэмілтан атрымаў перамогу ў гонцы, хоць стартаваў з другой пазіцыі. Партнёр Хэмілтана па Mercedes Ніка Розберг стаў другім, Серхіа Перэс атрымаў трэцяе месца. Для Force India подыўм Перэса стаў другім за ўсю гісторыю існавання каманды пасля подыўма Джанкарла Фізікелы на Гран-Пры Бельгіі 2009 года.

Справаздача

Кваліфікацыя

Кваліфікацыя пачалася на захадзе і працягвалася пры штучным асвятленні і адноснай вільготнасці паветра 26 %. Першы сегмент кваліфікацыі праходзіў у барацьбе Force India з Williams. Менавіта пілоты гэтых каманд занялі першыя чатыры радкі па заканчэнні сегмента. Сам сегмент выйграў Ніка Хюлькенберг, а яго партнёр па камандзе Серхіа Перэс стаў трэцім. Добра паказалі сябе пілоты Caterham і Marussia. Пераможцам у гэтай групе выйшаў Камуі Кабаясі. Зноў няўдала выступілі пілоты Lotus: Пастора Мальданада ў апошні момант пераўзыйшоў Раман Гражан. Апошні трапіў у другі сегмент, але на сваім хуткім крузе яму ўчыніў перашкоду Адрыян Зуціл, які таксама не трапіў у другую частку кваліфікацыі.

У другім сегменце кваліфікацыі лідарства захапілі Ніка Розберг і Льюіс Хэмілтан. У той жа час праблемы ўзніклі ў пераможцы першай часткі Хюлькенберга: з-за памылак на хуткім крузе ён не здолеў прайсці далей. Непераканаўча выглядалі пілоты Ferrari Фернанда Алонса і Кімі Райканен. Калі Алонса паспяхова кваліфікаваўся ў наступны сегмент, то Райканен здолеў трапіць на 10-е прахадное месца. Пры гэтым Райканен выбіў Себасцьяна Фетэля, які адчуваў праблемы з нізкімі перадачамі на сваім балідзе. Яго партнёр Даніэль Рык'ярда стаў трэцім і тым самым здолеў пераўзысці Фетэля ў кваліфікацыі двойчы за тры этапы — столькі разоў, колькі Марк Уэбер здолеў перамагчы Фетэля за ўвесь мінулы сезон. Розберг выйграў сегмент, Хэмілтан стаў другім.

Розберг і Хэмілтан працягнулі сваю барацьбу ў трэцім сегменце і цалкам у ім дамінавалі. Хэмілтан зрабіў шэраг памылак, што не дазволіла яму пераўзысці вынік Розберга, які адразу ўстанавіў хуткі час. Найбольш да пілотаў Mercedes наблізіўся Даніэль Рык’ярда, які, нягледзячы на сваё трэцяе месца ў кваліфікацыі, ў гонцы на старце згубіў 10 пазіцый з-за інцыдэнта на піт-стопе ў Малайзіі. Чацвёртага месца дасягнуў Вальтэры Ботас, які пераўзышоў Феліпэ Масу. Кімі Райканен упершыню за сезон кваліфікаваўся вышэй за Фернанда Алонса, які стаў дзясятым.

Гонка

Ужо перад першым паваротам Льюіс Хэмілтан атакаваў з другой пазіцыі Ніка Розберга і выйшаў наперад. Розберг адразу спрабаваў вярнуць першую пазіцыю, але Хэмілтан паспяхова адбіў усе атакі. Уладальнікам лепшага старта стаў Феліпэ Маса, які здолеў з кваліфікацыйнага восьмага месца прарвацца на трэцяе, у той час як другі пілот Williams Вальтэры Ботас згубіў трэцяе стартавае месца і размясціўся на пятай пазіцыі. Добра стартаваў Фернанда Алонса, які перамясціўся з дзясятага на сёмае месца. Другая Ferrari Кімі Райканена спусцілася ў канец дзясяткі, дзе Райканену зноў, як і ў Малайзіі, давялося весці барацьбу з Кевінам Магнусэнам.

На пятым крузе Ніка Хюлькенберг абышоў Фернанда Алонса, а яшчэ праз пяць кругоў Вальтэры Ботаса. На дванаццатым крузе другі пілот Force India Серхіа Перэс абышоў Феліпэ Масу ў барацьбе за трэцюю пазіцыю. Такім чынам працягнулася супрацьстаянне пілотаў каманд Force India i Williams, якое пачалося яшчэ ў кваліфікацыі. Паміж 11-ым і 17-ым кругамі большая частка пілотаў ажыццявіла першы піт-стоп, акрамя пары лідараў. Mercedes зноў добра эканоміў гуму і паліва. Пасля серыі піт-стопаў Ботас стаў трэцім, за ім ішоў Маса, якога переаследвалі абедзве Force India. Хэмілтан заехаў на піт-стоп толькі пасля 20-га круга, Розберг застаўся на трасе яшчэ на два, але пасля свайго піт-стопа выехаў па-за Хэмілтанам.

У гэты час за Force India йшла актыўная барацьба паміж Джэнсанам Батанам, Себасцьянам Фетэлям, Кімі Райканенам і Даніэлем Рык'ярда. Пазней да іх прыядналіся пілоты Williams, якія ажыццявілі свое другія піт-стопы. Ботас і Маса зноў пачалі актыўна атакаваць і прабівацца наперад. Пілоты Ferrari не здолелі падтрымліваць тэмп Force India і Williams і страчвалі пазіцыі ў пелатоне.

На 40-ым крузе гонкі адбылося сутыкненне Пастора Мальданада і Эстэбана Гуцьерэса: венесуэльскі пілот падчапіў носам бакавы пантон Sauber Гуцьерэса, у выніку чаго апошні перакуліўся ў паветры на 360⁰, пакінуўшы на трасе шмат недабіткаў. Дырэкцыя гонкі вырашыла выпусціць на трасу машыну бяспекі (сэйфці кар). Падчас сэйфці кара свае піт-стопы ажыццявілі абодва пілота Mercedes i Ferrari. Гонка аднавілася на 46-ым крузе з Хэмілтанам на чале пелатона.

Рэстарт азнаменаваўся аднаўленнем атака Розберга на Хэмілтана. Падчас апошняга піт-стопа Розбергу ўсятлявалі больш мяккую гуму, а Хэмілтан па тактыцы закончваў гонку на цвёрдай гуме. Гума Розберга пасля рэстарта прагрэлася хутчэй, там атакі на Хэмілтана былі даволі інтэнсіўнымі. У гэты ж час у пелатоне зноў узніклі праблемы з сістэмай DRS у Себасцьяна Фетэля, які не змог супрацьстаяць Даніэлю Рык'ярда. Батан губляў тэмп, прапускаў усё больш супернікаў і ў выніку сышоў з-за праблем са счапленнем. Рык'ярда тым часам атакаваў Хюлькеберга і выйшаў на чацвёртае месца.

У выніку Хэмілтан выйграў Гран-Пры Бахрэйна, Розберг уступіў пераможцы крыху больш за секунду. Трэцім прыехаў Серхіа Перэс, чацвёртым - Даніэль Рык'ярда, для якога гэты вынік стаў найлепшым у формульнай кар'еры. Топ-10 замкнулі Хюлькеберг, Фетэль, Маса, Ботас, Алонса і Райканен.

Класіфікацыя

Кваліфікацыя

Пазіцыя	№	Пілот	Канструктар	Q1	Q2	Q3	На старце
1	6	Ніка Розберг	Mercedes	1:35.439	1:33.708	1:33.185	1
2	44	Льюіс Хэмілтан	Mercedes	1:35.323	1:33.872	1:33.464	2
3	3	Даніэль Рык'ярда	Red Bull-Renault	1:36.220	1:34.592	1:34.051	131
4	77	Вальтэры Ботас	Williams-Mercedes	1:34.934	1:34.842	1:34.247	3
5	11	Серхіа Перэс	Force India-Mercedes	1:34.998	1:34.747	1:34.346	4
6	7	Кімі Райканен	Ferrari	1:35.234	1:34.925	1:34.368	5
7	22	Джэнсан Батан	McLaren-Mercedes	1:35.699	1:34.714	1:34.387	6
8	19	Феліпе Маса	Williams-Mercedes	1:35.085	1:34.842	1:34.511	7
9	20	Кевін Магнусэн	McLaren-Mercedes	1:35.288	1:34.904	1:34.712	8
10	14	Фернанда Алонса	Ferrari	1:35.251	1:34.723	1:34.992	9
11	1	Себасцьян Фетэль	Red Bull-Renault	1:35.549	1:34.985		10
12	27	Ніка Хюлькенберг	Force India-Mercedes	1:34.874	1:35.116		11
13	26	Данііл Квят	Toro Rosso-Renault	1:35.395	1:35.145		12
14	25	Жан-Эрык Вернь	Toro Rosso-Renault	1:35.815	1:35.286		14
15	21	Эстэбан Гуцьерэс	Sauber-Ferrari	1:36.567	1:35.891		15
16	8	Раман Гражан	Lotus-Renault	1:36.654	1:35.908		16
17	13	Пастор Мальданада	Lotus-Renault	1:36.663			17
18	99	Адрыян Зуціл	Sauber-Ferrari	1:36.840			222
19	10	Камуі Кабаясі	Caterham-Renault	1:37.085			18
20	17	Жуль Б'яншы	Marussia-Ferrari	1:37.310			19
21	9	Маркус Эрыксан	Caterham-Renault	1:37.875			20
22	4	Макс Чылтан	Marussia-Ferrari	1:37.913			21
Час 107%: 1:41.515 (ад найлепшага выніка К1 1:34,874 хв.)
Крыніца: f1.com

Заўвагі

• ↑  — Даніэль Рык'ярда атрымаў штраф у 10 пазіцый за інцыдэнт з небяспечным выездам з піт-стопа падчас Гран-Пры Малайзіі.
• ↑  — Адрыян Зуціл атрымаў штраф у 5 пазіцый за перашкоду хуткага круга Рамана Гражана падчас кваліфікацыі.

Гонка

Паз.	Пілот	Канструктар	Кругі	Піт-стопы	Час	Старт	Найхутчэйшы круг
1	Льюіс Хэмілтан	Mercedes	57		1:39:42,743	2	1:37,108 (49)
2	Ніка Розберг	Mercedes	57		+ 1,085	1	1:37,020 (49)
3	Серхіа Перэс	Force India-Mercedes	57		+ 24,067	4	1:39,320 (36)
4	Даніэль Рык'ярда	Red Bull-Renault	57		+ 24,489	13	1:39,269 (38)
5	Ніка Хюлькенберг	Force India-Mercedes	57		+ 28,654	11	1:38,785 (37)
6	Себасцьян Фетэль	Red Bull-Renault	57		+ 29,879	10	1:39,312 (18)
7	Феліпэ Маса	Williams-Mercedes	57		+ 31,265	7	1:39,272 (40)
8	Вальтэры Ботас	Williams-Mercedes	57		+ 31,876	3	1:39,762 (50)
9	Фернанда Алонса	Ferrari	57		+ 32,595	9	1:39,732 (53)
10	Кімі Райканен	Ferrari	57		+ 33,462	5	1:39,438 (35)
11	Данііл Квят	Toro Rosso-Renault	57		+ 41,342	12	1:40,160 (12)
12	Раман Гражан	Lotus F1-Renault	57		+ 43,143	16	1:39,443 (39)
13	Макс Чылтан	Marussia F1-Ferrari	57		+ 59,909	21	1:41,825 (48)
14	Пастор Мальданада	Lotus F1-Renault	57		+ 1:02,803	17	1:39,666 (52)
15	Камуі Кабаясі	Caterham F1-Renault	57		+ 1:27,900	18	1:41,246 (17)
16	Жуль Б'яншы	Marussia F1-Ferrari	56		+ 1 Круг	19	1:42,175 (44)
17	Джэнсан Батан	McLaren-Mercedes	55		DNF	6	1:39,565 (37)
–	Кевін Магнусэн	McLaren-Mercedes	40		DNF	8	1:40,108 (40)
–	Эстэбан Гуцьерэс	Sauber-Ferrari	39		DNF	15	1:40,698 (32)
–	Маркус Эрыксан	Caterham F1-Renault	33		DNF	20	1:41,134 (28)
–	Жан-Эрык Вернь	Toro Rosso-Renault	18		DNF	14	1:41,650 (16)
–	Адрыян Зуціл	Sauber-Ferrari	17		DNF	22	1:41,791 (9)
Крыніца: f1.com

Пазіцыі пасля гонкі

Пазіцыі пілотаў у чэмпіянаце

Паз.	Пілот	Ачкі
1	Ніка Розберг	61
2	Льюіс Хэмілтан	50
3	Ніка Хюлькенберг	28
4	Фернанда Алонса	26
5	Джэнсан Батан	23

Пазіцыі канструктараў у чэмпіянаце

Паз.	Канструктар	Ачкі
1	Mercedes	111
2	Force India-Mercedes	44
3	McLaren-Mercedes	43
4	Red Bull-Renault	35
5	Ferrari	33

• Заўвага: Адлюстраваныя толькі пяць першых пазіцый.

Спасылкі

• bahraingp.com — афіцыйны сайт Гран-Пры Бахрэйна