Гульні розуму

З пляцоўкі Вікіпедыя
Перайсці да: рух, знайсці
Гульні розуму
A Beautiful Mind
Постар фільма
Жанр

меладрама / драма

Рэжысёр

Рон Ховард

Прадзюсар

Браян Грэйзер
Рон Ховард

Аўтар
сцэнарыя

Аківа Голдсман
па кнізе Сільвіі Назар

У галоўных
ролях

Расел Кроу
Эд Харыс
Джэніфер Конелі
Крыстафер Пламер
Пол Бетані

Аператар

Роджэр Дзікінс

Кампазітар

Джэймс Хорнер

Кінакампанія

Universal Pictures
DreamWorks SGC

Працягласць

135 хвіл.

Бюджэт

58 млн $[1]

Зборы

313 542 341 $[1]

Краіна

Сцяг ЗША ЗША

Год

2001

IMDb

ID 0268978

«Гульні розуму» (англ.: A Beautiful Mind«Цудоўны розум»[2]) — біяграфічная драма Рона Ховарда па аднайменнай кнізе С. Назар, якая распавядае пра жыццё Джона Форбса Нэша, лаўрэата Нобелеўскай прэміі па эканоміцы[3]. Кніга ў 1998 годзе была намінавана на Пулітцэраўскую прэмію. Сцэнарый да фільма быў напісаны Аківам Голдсманам. Галоўную ролю ў карціне выканаў Расел Кроу; таксама зняліся Джэніфер Конелі, Эд Харыс, Крыстафер Пламер і Пол Бетані. Фільм атрымаў чатыры «Оскары» (лепшы фільм, адаптаваны сцэнарый, рэжысура, актрыса другога плана — Джэніфер Конелі), узнагароду «Залаты глобус» (у прыватнасці, прыз атрымаў Расел Кроу за лепшую мужчынскую ролю) і быў адзначаны некалькімі прэміямі BAFTA. Прэм'ера фільма адбылася 21 снежня 2001 года ў ЗША[4]. Фільм быў дадатна ўспрыняты крытыкамі і сабраў больш 300 млн долараў па ўсім свеце.

Гісторыя пачынаецца з ранніх гадоў маладога генія Джона Нэша. У яго пачынае развівацца параноідная шызафрэнія, якая суправаджаецца галюцынацыямі, і прагрэсуе да таго часу, пакуль не ставіць пад удар яго працу і адносіны з жонкай і сябрамі.

Фільм быў раскрытыкаваны за недакладнае адлюстраванне на экране некаторых аспектаў жыцця Нэша. Фільм прадставіў яго галюцынацыі як зрокавымі, так і слыхавымі, тады як у рэальным жыцці яны былі выключна слыхавымі[5].

Сюжэт[правіць | правіць зыходнік]

1947 год. Таленавміы студэнт Джон Нэш прыязджае ў Прынстан. Недаверлівы, дзіваваты, ён не знаходзіць сабе месца, нават не наведвае заняткі, цалкам пагрузіўшыся ў даследаванні. Кар'еру бліскучы малады вучоны працягвае выкладчыкам у Масачусецкім тэхналагічным інстытуце. Нэш звяртае ўвагу на адну са студэнтак, Алісію, яны пачынаюць сустракацца, і неўзабаве яна становіцца яго жонкай.

Аднойчы да Джона звяртаецца нейкі агент Парчэр, які прапануе папрацаваць на асобы аддзел ЦРУ. Яго задача — аналізаваць інфармацыю, апублікаваную ў адкрытых крыніцах, з мэтай пошуку ў ёй сакрэтнай інфармацыі. Гэта даныя, якімі абменьваюцца змоўшчыкі — ворагі ЗША. Свае справаздачы Нэш пакідае ў паштовай скрыні ва ўмоўленым месцы. Падчас аднаго са сваіх візітаў да паштовай скрыні Нэш падвяргаецца нападу змоўшчыкаў і цудам пазбягае гібелі.

Неўзабаве высвятляецца, што ўся праца на ЦРУ — усяго толькі плод яго розуму. Агент Парчэр, сусед па пакоі ў Прыстане Чарльз і яго пляменніца Марсі не існуюць у рэальнасці. Нэш цяжка хворы. У яго шызафрэнія. Даведаўшыся пра хваробу, Алісія здзіўлена, але не здаецца, супрацьпаставіўшы хваробе сваё каханне.

Пасля працяглага цяжкага лячэння Нэшу ўдаецца ўзяць хваробу пад кантроль. Галюцынацыі працягваюць наведваць вучонага, але больш не робяць яго небяспечным для тых, хто акружае яго, і Нэш, пасля працяглага перапынку, вяртаецца да навукі. За наватарскія адкрыцці ў тэорыі гульняў яго чакаюць прызнанне і слава — падчас нобелеўскай гаворкі ён дзякуе жонку за разуменне і падтрымку. Парчэр, Чарльз і Марсі таксама знаходзяцца ў зале і слухаюць яго прамову.

У ролях[правіць | правіць зыходнік]

Актёр Роль
Расел Кроу Джон Нэш Джон Нэш Геній матэматыкі, апантаны пошукам арыгінальнай ідэі, якая пакіне след у навуцы.
Джэніфер Конелі Алісія Нэш Алісія Нэш Студэнтка Нэша, якая прыцягвае яго ўвага.
Эд Харыс Уільям Парчэр. Уільям Парчэр. Адданы сваёй справе ўрадавы агент, які працуе на Міністэрства абароны. Ён вярбуе Нэша, каб той дапамог у барацьбе з савецкімі шпіёнамі.
Пол Бетані Чарльз Герман. Чарльз Герман. Лепшы сябар Нэша, які падчас вучобы ва ўніверсітэце жыве з ім у адным пакоі.
Адам Голдберг Сол. Сол. Сябар Нэша з Прынстанскага ўніверсітэта, які працуе разам з ім у Масачусецкім тэхналагічным Універсітэце.
Крыстафер Пламер Роўзен. Роўзен. Доктар Нэша ў псіхіятрычнай лячэбніцы.
Джош Лукас Марцін Хэнсен. Марцін Хэнсен. Па-сяброўску размешчаны супернік Нэша з Прынстана.
Джад Хірш Хелінжэр. Хелінжэр. Глава Прынстанскага матэматычнага аддзялення.
Энтані Рэп Бендэр. Бендэр. Сябар Нэша з Прынстанскага ўніверсітэта, які працуе разам з ім у Масачусецкім тэхналагічным Універсітэце.
Віўен Кардоун Марсі. Марсі. Маленькая пляменніца Чарльза.
Джэйсан Грэй-Стэнфард Эйнслі Нільсан. Эйнслі Нільсан. Прафесар шыфравання.

Прэміі і ўзнагароды[правіць | правіць зыходнік]

  • 2002 — Прэмія BAFTA:
    • Лепшы акцёр (Расел Кроу), лепшая актрыса другога плана (Джэніфер Конелі)
  • Намінацыі
    • Лепшы фільм, лепшы сцэнарый, спецыяльная прэмія Дэвіда Ліна за рэжысуру
  • 2002 — Прэмія «Залаты Глобус»
    • Лепшы фільм-драма, лепшы сцэнарый (Аківа Голдсман), лепшы акцёр у драме (Расел Кроу), лепшая актрыса другога плана (Джэніфер Конелі)
  • Намінацыі на «Залаты Глобус»
    • Лепшы рэжысёр, лепшая музыка
  • 2002 — намінацыя на прэмію Грэмі
    • лепшы альбом на аснове саўндтрэка да фільма
  • 2002 — намінацыя на прэмію MTV Movie Awards
    • лепшы акцёр (Расел Кроу)
  • 2002 — намінацыя на прэмію Satellite Award
    • Лепшая песня, лепшая актрыса другога плана (Джэніфер Конелі)
    • намінацыі ў пяці катэгорыях
  • 2002 — прэмія ASCAP
    • лепшыя касавыя зборы (top box office film)
  • 2002 — прэмія гільдыі кінарэжысёраў ЗША
  • 2002 — прэмія асацыяцыі кінакрытыкаў Канзас-сіці
    • лепшая актрыса другога плана (Джэніфер Конелі)
  • 2002 — прэмія асацыяцыі гукарэжысёраў ЗША «Залатая бабіна» (Golden Reel)
    • лепшая гукарэжысура дыялогі.


Зноскі[правіць | правіць зыходнік]

  1. 1,0 1,1 A Beautiful Mind (2001). Box Office Mojo. Архівавана з першакрыніцы 25 студзеня 2012. Праверана 8 лістапада 2010.
  2. Сільвія Назар. Цудоўны розум: жыццё матэматычнага генія і нобелеўскага лаўрэата Джона Нэша = Beautiful Mind: The Life of Mathematical Genius and Nobel Laureate John Nash — Simon and Schuster Inc., 1999. — 464 с. — ISBN 0-7432-2457-4.
  3. John Nash (англ.) . Афіцыйны сайт Прынстанскага ўніверсітэта. Праверана 30 студзеня 2011.
  4. Box Office Film Search Results (англ.) . Variety. Архівавана з першакрыніцы 25 студзеня 2012. Праверана 30 студзеня 2011.
  5. Robert Whitaker. Mind drugs may hinder recovery (англ.) . USA Today (03.03.2002). Архівавана з першакрыніцы 25 студзеня 2012. Праверана 30 студзеня 2011.

Літаратура[правіць | правіць зыходнік]

  • Nasar, S. A Beautiful Mind: The Life of Mathematical Genius and Nobel Laureate John Nash. Simon and Schuster Inc. 1999. ISBN 0-7432-2457-4
  • Akiva Goldsman. A Beautiful Mind: Screenplay and Introduction. New York, New York: Newmarket Press, 2002. ISBN 1-55704-526-7

Спасылкі[правіць | правіць зыходнік]