Гусепадобныя

? Гусепадобныя
Качка-огар
Навуковая класіфікацыя
Царства:	Жывёлы
Падцарства:	Эўметазоі
Падраздзел:	Другаснаротыя
Тып:	Хордавыя
Падтып:	Хрыбетныя
Надклас:	Чатырохногія
Клас:	Птушкі
Падклас:	Нованёбныя
Парадак:	Гусепадобныя
Навуковая назва
Anseriformes Wagler, 1831
Сістэматыка на ВікіВідах Выявы ў ВікіСховішчы ITIS   174982 NCBI   8826

Гусепадобныя (Anseriformes) — парадак птушак. Гэта група сфарміравалася ў канцы палеацэна. Вядома больш за 180 відаў, якія ўключаны ў гэтую катэгорыю.

Апісанне

Вялікія і сярэднія птушкі, рэдка маленькія, памеры вагаюцца ад 250 г да 15 кг. Апярэнне цвёрдае, густое, шчыльнае з вялікай колькасцю пуху, раўнамерна ахоплівае ўсё цела. У многіх відаў выяўляецца палавы дымарфізм у афарбоўцы і памерах цела. Цела тоўстае і каржакаватае, шыя доўгая і ўключае ў сябе ад 16 да 25 пазванкоў, крылы часцей за ўсё доўгія, хвост кароткі. Клюў, як правіла, плоскі, шырокі, пакрыты тонкай, адчувальнай скурай, пераходзячы да верхняга, цвёрда ўшчыльненнага рагавога нарасту. Ногі 4-пальцавыя, тры з якіх звязаны перапонкай і накіраваны наперад, а чацвёрты накіраваны назад і знаходзіцца крыху вышэй.

Распаўсюджванне

Самец і саміца качкі-крыжанкі

З'яўляюцца агульнымі для ўсіх кантынентаў, за выключэннем Антарктыды. Жыхары раёнаў з халодным кліматам сезонна мігрыруюць. Іх выбар асяроддзя пражывання цесна звязаны з водападзеламі: азёрамі рэкамі морамі, акіянам і гэтак далей.

На Беларусі сустракаюцца 35 відаў гусепадобных, у тым ліку крахаль вялікі, гогаль звычайны, казарка белашчокая.