Даніла Сямёнавіч Варанцоў

Даніла Сямёнавіч Варанцоў
Дата нараджэння	24 снежня 1886(1886-12-24)
Месца нараджэння	Прапойск, Прапойская воласць, Быхаўскі павет, Магілёўская губерня, Расійская імперыя
Дата смерці	1965
Месца смерці	Кіеў, УССР, СССР
Грамадзянства	Расійская імперыя  СССР
Род дзейнасці	фізіёлаг-спецыяліст
Навуковая сфера	фізіялогія і электрафізіялогія[d]
Месца працы	Казанскі ўніверсітэт
Навуковая ступень	доктар медыцынскіх навук
Навуковае званне	акадэмік
Альма-матар	Санкт-Пецярбургскі дзяржаўны ўніверсітэт Школа № 1 (Слаўгарад)
Вядомыя вучні	Platon Kostyuk[d]
Член у	Нацыянальная акадэмія навук Украіны

Даніла Сямёнавіч Варанцоў (24 снежня 1886, Слаўгарад — 21 ліпеня 1965) — украінскі электрафізіёлаг, акадэмік АН Украіны (1957).

Біяграфія

Скончыў Пецярбургскі ўніверсітэт (1912), спецыялізаваўся ў лабараторыі М. Я. Увядзенскага. У 1922 г. арганізаваў кафедру фізіялогіі ў Смаленскім універсітэце. У 1930 г. загадчык кафедры Казанскага ўніверсітэта, а ў 1935—1941 гг. Кіеўскага медінстытута. У 1945 г. стварыў аддзел агульнай фізіялогіі ў Інстытуце фізіялогіі Кіёўскага ўніверсітэта і ў 1956 г. лабараторыю электрафізіялогіі ў Інстытуце фізіялогіі АН УССР.

Навуковая дзейнасць

Асноўныя працы вучонага — па электрафізіялагічным вывучэнні працэсаў узбуджэння і тармажэння ў нервовай тканцы. Адкрыў (1924) і прааналізаваў следавую электраадмоўнасць, якая ўзнікае ў нерве пасля імпульсу. Вывучаў прыроду павольных электрычных ваганняў у цэнтральнай нервовай сістэме.

Аўтар прац «Агульная электрафізіялогія» (1961), «Фізічны электратон нерваў і мышц» (1966, у сааўтарстве).

Літаратура

• Варанцоў Д. С.//Беларуская энцыклапедыя: у 18 т.: т. 4: Варанецкі — Гальфстрым/Гал. рэд.: Г. П. Пашкоў.-Мн., 1997.-С. 6.
• Варанцоў Д. С.//Памяць: гісторыка-дакумент. хроніка Слаўгарадскага раёна.-Мн., 1999.-С. 510.

Спасылкі

• [https://web.archive.org/web/20180826212120/http://lib-slavgorod.mogilev.by/database/scientists.html Архівавана 26 жніўня 2018. Варанцоў Даніла Сямёнавіч]