Джамбалонья

З пляцоўкі Вікіпедыя.
Перайсці да: рух, знайсці
Джамбалонья
Хендрык Гольцыус. Партрэт Джавані да Балонья
Хендрык Гольцыус. Партрэт Джавані да Балонья
Дата нараджэння:

1529(1529)

Месца нараджэння:

Дуэ, цяпер Францыя

Дата смерці:

13 жніўня 1608(1608-08-13)

Месца смерці:

Фларэнцыя

Стыль:

маньерызм, барока

Commons-logo.svg Працы на Вікісховішчы

Джамбалонья[1] , Джавані да Балонья (Giambologna, Giovanni da Bologna), сапраўднае імя Жан дэ Булонь (Jean de Boulogne) (1529, Дуэ, цяпер Францыя — 13 жніўня 1608, Фларэнцыя) — фларэнтыйскі скульптар-маньерыст і прадстаўнік ранняга барока.

Біяграфія[правіць | правіць зыходнік]

Джамбалонья быў родам з Габсбургскай Фландрыі. Вучыўся жывапісу ў Антверпене, потым пераехаў у Італію і вывучаў у Рыме антычную скульптуру.

Джамбалонья знаходзіўся пад моцным уплывам Мікеланджэла, аднак стварыў свой уласны мастацкі стыль маньерысцкага напрамку, які адрозніваецца хупавымі паверхнямі, халоднай элегантнасцю і прыгажосцю.

Першы буйны ганарар Джамбалонья атрымаў ад рымскага папы Пія IV за гіганцкую бронзавую статую Нептуна для фантана Нептуна ў Балонні. Джамбалонья стварыў шматлікія скульптуры з мармуру і бронзы, у тым ліку для ўпрыгожвання фантанаў, для італьянскай шляхты і асабліва для Медычы. Вялікую частку свайго жыцця правёў у Фларэнцыі, куды пераехаў ў 1553 г.

Джамбалонья пахаваны ў капліцы, створанай па яго ўласным праекце ў царкве Сантысіма.

Творы[правіць | правіць зыходнік]

Зноскі

  1. Усе варыянты напісання імя і прозвішча ў адпаведнасці з БЭ ў 18 тамах. Т.6., Мн., 1998, С.86.