Джэймс Ват
З пляцоўкі Вікіпедыя.
| Джэймс Ват James Watt |
|
 |
|
| Дата нараджэння: | 19 студзеня 1736 |
|---|---|
| Дата смерці: | 19 жніўня 1819 (83 года) |
Джэймс Ват (англ.: James Watt, 19 студзеня 1736, Грынак, Шатландыя — 19 жніўня 1819, Хітфілд), выдатны шатландскі інжынер, вынаходнік-механік. Член Эдзінбургскага каралеўскага таварыства (1784), Лонданскага каралеўскага таварыства (1785), Парыжскай акадэміі навук (1814).
Даследуючы мадэлі паравых машын Л. Папена і І. Ньюкамена, зрабіў шэраг вынаходстваў, якія ўдасканалілі іх работу. Стваральнік універсальнай паравой машыны двайнога дзеяння. Вынаходніцтва ім паравога рухавіка паклала пачатак індустрыяльнай рэвалюцыі. Устанавіў састаў вады, увёў першую адзінку магутнасці — конскую сілу, сканструяваў ртутны манометр, вадамернае шкло ў паравых катлах і інш.
Яго імем названая адзінка магутнасці — Ват.
