Дзіпэнся Іку

Дзіпэнся Іку
яп.: 十返舎一九
Асабістыя звесткі
Дата нараджэння	1765[…]
Месца нараджэння	Sunpu[d], Abe district[d], прэфектура Сідзуока, Японія
Дата смерці	12 верасня 1831(1831-09-12)
Месца смерці	Эда, павет Тосіма[d], правінцыя Мусасі[d], Такайдо[d], Японія
Пахаванне	Toyo in[d]
Грамадзянства	Японія
Прафесійная дзейнасць
Род дзейнасці	пісьменнік
Гады творчасці	з 1789
Мова твораў	японская мова
Медыяфайлы на Вікісховішчы

Дзіпэнся Іку (1765 — 12 верасня 1831) — японскі пісьменнік перыяду Эда. Працаваў у жанрах лірычнай сатыры, раманаў для дарослых, папулярных апавяданняў для простага народа. Сапраўднае імя — Сігэта Садакадзу.

Біяграфія

Пра першую палову жыцця Дзіпэнся Іку вядома вельмі мала. Ён нарадзіўся ў 1765 годзе ў правінцыі Суруга ў самурайскай сям’і. Магчыма Іку служыў нейкаму феадалу, але неўзабаве быў звольнены. Ва ўзросце 23 гадоў ён пераехаў у Осаку, дзе паступіў на службу да гарадскога чыноўніка Одакіры, але праз некалькі месяцаў зноў страціў працу.

У 1789 году Іку узяў сабе псеўданім Цікамацу Ёсіці і разам з маладымі пісьменнікамі Вакатакэ Фуміе і Намікі Сен’я апублікаваў першую п’есу для дзёруры «Бітва Кінасіты Кагахадзамі». У 1794 годзе ён перабраўся ў Эда, дзе пачаў працаваць у жанры раманаў для дарослых кібесі. На працягу наступных 20 гадоў Іку выдаў каля 23 твораў. У 1801—1804 гадах ён працаваў над сатырычнымі апавяданнямі і ў 1802 годзе ўпершыню апублікаваў «На сваіх дваіх па Такайдаскім тракце». Гэта твор быў вельмі добра ўспрынята чытачамі. Ён разышоўся вялікімі накладамі і яго перавыдавалі некалькі разоў на працягу 21 года. Дзякуючы ганарарам ад «Падарожжаў», Іку пакончыў са сваім цяжкім фінансавым становішчам і да канца жыцця змог выдаць больш за 360 твораў розных жанраў. Акрамя сатырычных апавяданняў ён апублікаваў шэраг падручнікаў для гараджан і сялян, дапамагаў маладым пісьменнікам, выдаючы іх працы пад сваім імем, каб заваяваць ім папулярнасць сярод чытачоў. Рэшту жыцця Іку правёў у Эда, дзе і памёр у 1831 годзе. Яго пахавалі ў манастыры Тоеін ў раёне Цюо сучаснага Токіа.

Літаратура

• Рубель В. А. Японська цивілізація: традиційне суспільство і державність. — Київ: «Аквілон-Прес», 1997.