Дуб звычайны

? Дуб звычайны
Галіна дуба звычайнага
Навуковая класіфікацыя
Царства:	Расліны
Аддзел:	Пакрытанасенныя
Клас:	Двухдольныя
Парадак:	Букакветныя
Сямейства:	Букавыя
Род:	Дуб
Від:	Дуб звычайны
Навуковая назва
Quercus robur L.
Арэал
Арэал дуба звычайнага
Сістэматыка на ВікіВідах Выявы ў ВікіСховішчы ITIS   19405 NCBI   38942

Дуб звычайны, летні, чарэшчаты (Quercus robur), лістападнае дрэва роду дуб сямейства букавых.

Апісанне

Дрэва вышынёй да 30-40 м, ствол у дыяметры больш за 1 м, часта разгалінаваны на некалькі тоўстых галін. Лісце лопасцевае. Кветкі тычынкавыя ў каташках, песцікавыя — адзіночныя. Плод — жалуд. Кара старых дрэў цёмна-шэрая, тоўстая, з падоўжнымі расколінамі, маладых дрэў і тонкіх галін гладкая бліскучая, гадавыя пабегі чырвона-бурыя. Цвіце ў красавіку-маі, распускаецца пазней за іншыя дрэвы, плады выспяваюць у верасні-кастрычніку.

Светалюбнае дрэва, расце павольна. Жыве 400—500 і больш гадоў.

Арэал

Дуб чарэшчаты ў Гомельскім парку.

На Беларусі дуб звычайны пашыраны па ўсёй тэрыторыі, на поўдні ўтварае дубовыя лясы; найбольш пашыраны на Палессі, дзе захаваліся ўнікальныя поймавыя дубровы. На Беларусі ёсць дубы ва ўзросце 500—550 гадоў, у дыяметры 1,5-1,9 м. Больш за 40 дубоў-волатаў і іх груп абвешчана помнікамі прыроды.

Драўніна дуба адрозніваецца высокай якасцю, трываласцю. Кара з'яўляецца дубільным і лекавым сродкам. З жалудоў можна прыгатаваць сурагат кавы.

Літаратура

• Лекарственные растения и и их применение. Изд. 5-5, перераб. и доп. «Наука и техника». Мн., 1974. 592 с. с ил. (АН БССР. Ин-т эксперим. ботаники им. В. Ф. Купревича)