Кнютлінгі

Кнютлінгі, інакш Кнутлінгі, або дынастыя Горма — дынастыя кіраўнікоў Даніі ў VIII стагоддзі — 1042 годзе; Нарвегіі ў 976—995, 1000—1014 і 1028—1035 гадах, каралі Англіі ў 1013—1014 і 1016—1042 гадах.

Паходжанне дынастыі дакладна не ўсталявана: паводле адной з версій яе заснавальнік Свен быў нашчадкам Рагнара Скураныя Порткі, па іншай быў нашчадкам легендарных кіраўнікоў Даніі. Прадстаўнікі роду Кнютлінгаў Кнуд I Хардэкнуд і Горм аб'ядналі Данію. Пры Харальдзе I Сінязубым, Свене I Вілабародым і Кнудзе Вялікім Данія паспрабавала аб'яднаць Паўночную Еўропу

Генеалогія

Паўночная Еўропа пры Харальдзе I Сінязубым

• Свен
• Кнуд I Хардэкнуд. Сын дацкага конунга Свена каля 915 года кіраўнік Даніі
• Горм Стары (каля 950). Кароль Даніі каля 935 -каля 950. Сын дацкага конунга Хардэкнута.
• Гунхільд ( — 970). Дачка Горма Старога. Жонка Эрыка Крывавая Сякера караля Нарвегіі.
• Харальд I Сінязубы (-986). Сын Горма Старога. Кароль Даніі з 950.
• Кнуд Данаст (?940). Сын Горма Старога.
• Харальд Залаты (?965). Сын Кнута Данаста.

Нашчадкі Харальда Сінязубага

• Хокан (пам. 987)
• Гунхільд (пам. 1010). Дачка Харальда I Сінязубага. Ажанілася з Палігам Дэваншырскім.
• Ціра (пам. 1000). Жонка: 1) Стырб'ёрна Моцнага, шведскага конунга, 2) Бурыслава, кіраўніка венедаў, 3) Олафа I Тругвасана.
• Свен I Вілабароды (960-я — 1014). Сын Харальда I Сінязубага ад наложніцы. Кароль Даніі з 985 года, Нарвегіі з 1002 года, Англіі з 1013 года. Муж: 1) Гунхільды (або дачкі Мешкі Польскага, або Бурыслава Вендскага) памерла ў 1013 годзе; 2) Сігрыд Гордай.
• Харальд II (994—1018). Сын Свена I Вілабародага. Кароль Даніі і Нарвегіі з 1014 года

Паўночная Еўропа пры Кнудзе Вялікім

• Кнуд I Вялікі (995—1035). Сын Свена I Вілабародага. Кароль Даніі з 1018, Англіі з 1016, Нарвегіі з 1028. Муж Эмы Нармандскай, удавы Этэльрэда Англійскага (памерла ў 1052).
• Святаслава (англ.: Santslava)
• Эстрыд. Жонка: 1) Рычарда II, герцага Нармандыі, 2) Ульфа Торгільсана. Родапачынальніца дынастыі Эстрыдсенаў.
• Гіда. Дачка Свена I Вілабародага. Жонка Эйрыка, сына Хокана Магутнага, кіраўніка Нарвегіі і ярла Нартумбрыі.

Нашчадкі Кнуда Вялікага

• Хардэкнуд (1018—1042). Сын Кнуда I Вялікага. Кароль Даніі з 1035 года. Кароль Англіі з 1040 года пад імем Кнуда II.
• Гунхільд (1020—1038). Дачка Кнуда I Вялікага. Жонка з 1036 года Генрыха III Чорнага
• Свейн (каля 1015—1035). Сын Кнуда I Вялікага ад наложніцы Эльфгіфу Нартгемптанскай. Кіраўнік Нарвегіі з 1030.
• Харальд Заячая Лапа (каля 1016—1040). Сын Кнуда I Вялікага ад наложніцы Эльфгіфу Нартгемптанскай. Кароль Англіі з 1035.

Літаратура

• Рыжов Константин Владиславович. Все монархи мира. Западная Европа. — Масква: ВЕЧА, 2001. — С. 222. — 560 с. — ISBN 5-7838-0728-1.

Спасылкі

• KINGS of DENMARK 935-1042 (FAMILY of GORM) (англ.). Foundation for Medieval Genealogy. Архівавана з першакрыніцы 23 жніўня 2011. Праверана 27 красавіка 2010.