Дэвід Ормсбі-Гор

Дэвід Ормсбі-Гор англ.: David Ormsby-Gore, 5th Baron Harlech
Дата нараджэння:	30 мая 1918
Дата смерці:	26 студзеня 1985(1985-01-26) (66 гадоў)
Бацька:	en:William Ormsby-Gore, 4th Baron Harlech
Маці:	en:James Gascoyne-Cecil, 4th Marquess of Salisbury
Жонка:	1) Sylvia Thomas (1940—1967) 2) Pamela Colin (1969—1985)
Узнагароды і прэміі:

Дэвід Ормсбі-Гор (William David Ormsby-Gore; 20 мая 1918 – 26 студзеня 1985) — брытанскі палітычны дзеяч, дыпламат.

Пяты барон Гарлек, прапраўнук брытанскага прэм'ера Роберта Гаскойн Сесіла (1895—1902). Член Кансерватыўнай партыі. У 1950—61 г. — дэпутат Парламенту, e 1961—65 г. — амбасадар у ЗША. Дэвід Ормсбі-Гор быў блізка знаёмы з сямействам Кенэдзі, часта бываў у Белым доме, у некаторых справах выступаў нават як дарадца амерыканскага прэзідэнта. Ёсць звесткі, што ён адыграў пэўную ролю ў Карыбскім крызісе. Ва ўзросце 66 гадоў загінуў у аўтакатастрофе.

Дэвід Ормсбі-Гор быў першым прэзідэнтам (1954) і шматгадовым сябрам Англа-беларускага таварыства. Спрычыніўся да арганізацыі выступу прэзідэнта Рады БНР Міколы Абрамчыка ў брытанскім Парламенце ў 1956 г.

У Дэвіда Ормсбі-Гора было пяцёра дзяцей. Сярод іх — дачка Эліс, якая цягам пяці гадоў ад 1969 была заручаная і жыла разам з вядомым музыкантам Эрыкам Клэптанам. Іншая дачка — Джэйн — доўгі час у 1960-х сустракалася з Мікам Джагерам, і ёсць меркаванне, што песня групы Rolling Stones «Lady Jane» прысвечаная менавіта ёй.

Літаратура

• Гардзіенка Н. Беларусы ў Вялікабрытаніі / пад рэд. А. Гардзіенкі. — Мн,, 2010.

Папярэднік: Allan Noble	Дзяржміністр замежных спраў Вялікабрытаніі 1957—1961	Пераемнік: Джон Прафьюма
Папярэднік: Гаральд Кача	Пасол Вялікабрытаніі ў ЗША 1961—1965	Пераемнік: Патрык Дын