Екма

З пляцоўкі Вікіпедыя.
Перайсці да: рух, знайсці

Е́кма, ЕКМА (англ.: Ecma International — European association for standardizing information and communication systems; да 1994 — англ.: ECMA[1]): міжнароднае аб'яднанне вытворцаў, заснаванае ў 1961. Мае мэтай пашырэнне стандартызацыі ў сувязных і інфарматычных тэхналогіях і ў вытворчасці спажывецкай электронікі. Арганізацыя пачынала сваю дзейнасць у еўрапейскім абсягу, але фактычна дзейнічала ў абсягу ўсяго свету, што было выражана ў змененай (1994) назве.

Сярод больш вядомых стандартаў Екма: праграмавальная мова ЕКМАскрыпт (увасабленне стандарту — Яваскрыпт), стандарты знаказбораў для еўрапейскіх моваў, файлавыя фарматы серыі «Адкрыты офіс XML» (Office Open XML).

Ініцыятарамі заснавання арганізацыі ў канцы 1950-х гг. сталі тагачасныя вядучыя вытворцы развязанняў па апрацоўцы даных: «Кампані́ дэ Машынс Бул» (Compagnie des Machines Bull), еўрапейскі аддзел Ай-Бі-Эм (IBM World Trade Europe Corporation) і «Міжнародныя камп'ютары і табулятары» (International Computers and Tabulators Limited). Папярэдні сход адбыўся ў Бруселі (27.4.1960), арганізацыя пачала афіцыйна існаваць 17.5.1961, устаноўчы сход адбыўся 17.6.1961.

Арганізацыя ўдзельнічае на ўзроўні прадстаўніка ў працы тэхнічнага камітэту ІСО ТК97 ад пачатку яго дзейнасці, а пасля ўваходжання ТК97 у аб'яднаны тэхнічны камітэт ІСО і МЭК АТК1 (1987) — у працы АТК1, на ўзроўні прадстаўніка класу А.

Зноскі

  1. ECMA — скарачэнне ад англ.: European Computer Manufacturers Association — «Еўрапейская Асацыяцыя Вытворцаў Камп'ютараў». Новая назва «Ecma» (1994) не з'яўляецца скарачэннем, але захоўвае ранейшае гучанне ў інтарэсах пазнавальнасці гандлёвага знаку.

Літ.:
  • Адкрытыя матэрыялы арганізацыі. — У Сеціве.
Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.