Елісейскія палі

З пляцоўкі Вікіпедыя
Перайсці да: рух, знайсці
Елісейскія Палі

Елісейскія палі або Шанз-Элізэ (фр.: avenue des Champs-Élysées або les Champs-Élysées, або проста les Champs) — адна з галоўных магістраляў у VIII акрузе Парыжа. Елісейскія палі распасціраюцца ад плошчы Канкорд да Трыумфальнай аркі. Працягласць 1915 м, шырыня 71 м.

Назва паходзіць ад Елісейскіх палёў (Ἠλύσιον πεδίον) з грэчаскай міфалогіі, дзе яны абазначаюць краіну падземнага царства, у якой пануе вечная вясна і праводзяць час безклапотны час героі і людзі, якія вялі праведны лад жыцця.

Паводле папулярнага стэрэатыпа, Елісейскія палі — самая прыгожая вуліца ў свеце (фр.: la plus belle avenue du monde). Па прычыне высокага кошту нерухомасці ў дамах па Елісейскіх палях нямнога жыхароў, у будынках размяшчаюцца пераважна магазіны і офісы.

Апісанне[правіць | правіць зыходнік]

Avenue des Champs-Élysées street sign, Paris, France - 20100619.jpg

Елісейскія палі знаходзяцца ў паўночна-заходняй частцы горада і пралягаюць з усхода на захад паміж плошчай Згоды, дзе ўзвышаецца Луксорскі абеліск, і плошчай Шарля дэ Голя, у цэнтры якой стаіць Трыумфальная арка.

Елісейскія палі ляжаць строга па гістарычнай восі, іх можна умоўна падзяліць на дзве зоны: паркавую і магазінную. Ад плошчы Згоды да Круглай плошчы па абодва бакі праспекта прасціраецца парк 700 м даўжынёй і 300-400 м шырынёй. Ад Круглай плошчы Елісейскія палі працягваюцца на захад, дзе ў так званай магазіннай частцы знаходзяцца шматлікія банкі, офісы авіякампаній, кінатэатры, рэстараны і магазіны.