Еўрастат

Еўрастат (англ.: Eurostat) — статыстычная служба Еўрапейскага саюза, якая займаецца зборам статыстычнай інфармацыі пра краіны-члены ЕС і гарманізацыяй статыстычных метадаў, выкарыстоўваемых гэтымі краінамі. Офіс Eurostat знаходзіцца ў Люксембургу.

Гісторыя і функцыі[правіць | правіць зыходнік]

Еўрастат быў заснаваны ў 1953 годзе як статыстычная служба Еўрапейскага аб’яднання вугалю і сталі. З часам спіс задач службы пашырыўся, і ў 1958 годзе на яе аснове быў сфарміраваны генеральны дырэктарат. Асноўнай задачай дырэктарата было забеспячэнне іншых генеральных дырэктаратаў Еўракамісіі, а таксама іншых еўрапейскіх інстытутаў статыстычнай інфармацыяй, неабходнай для фарміравання, рэалізацыі і аналізу праводжанай імі палітыкі.

З развіццём Еўрасаюза большае значэнне стала надавацца задачы гарманізацыі статыстычных метадаў, якія выкарыстоўваюцца краінамі-членамі ЕС, а таксама краінамі-кандыдатамі. Еўрастат не займаецца непасрэдным зборам статыстычных даных — гэта праца выконваецца статыстычнымі службамі краін. Сабраная нацыянальнымі службамі інфармацыя апрацоўваецца Еўрастатам, прыводзіцца да адзіных стандартаў і публікуецца. Еўрастат цесна супрацоўнічае з нацыянальнымі службамі статыстыкі краін ЕС у мэтах выпрацоўкі адзіных статыстычных стандартаў.

Станам на 2011 год генеральным дырэктарам службы з’яўляўся Гюнтэр Ханрайх (Gunther Hanreich). Яго папярэднік — Michel Vanden Abeele — выявіў у 2004 годзе, што статыстычная інфармацыя, пададзеная ўрадам Грэцыі, была зведала моцныя маніпуляцыі. На аснове гэтых няслушных даных Грэцыя была прынята ў 2000 годзе ў еўразону.

Генеральнаму дырэктару Еўрастата падпарадкоўваюцца сем дырэктараў, адказных за розныя вобласці дзейнасці:

рэсурсы
статыстычныя метады і прылады; публікацыі
дзяржаўная і агульнаеўрапейская статыстыка
эканоміка і рэгіянальная статыстыка
сельская гаспадарка і экалогія; супрацоўніцтва
сацыяльная статыстыка і інфармацыйная супольнасць
бізнес-статыстыка

Гл. таксама[правіць | правіць зыходнік]

Наменклатура тэрытарыяльных адзінак для мэт статыстыкі

Спасылкі[правіць | правіць зыходнік]

Афіцыйная старонка Eurostat (англ.)