Жаўтушкі

? Жаўтушкі
Навуковая класіфікацыя
Царства:	Жывёлы
Тып:	Членістаногія
Клас:	Насякомыя
Атрад:	Матылі
Сямейства:	Бялянкі
Падсямейства:	Жаўтушкі
Род:	Жаўтушкі
Навуковая назва
Colias Fabricius, 1807
Сістэматыка на ВікіВідах Выявы ў ВікіСховішчы ITIS   188526 NCBI   42295

Жаўтушкі (Colias) — род дзённых матылёў з сямейства бялянак (Pieridae).

Знешні край крылаў матылькоў гэтага роду — акруглы. Крылы (размах да 6 см) чырвоныя, аранжавыя, жоўтыя, зеленаватыя, часта з чорнмм абадком на вонкавым краі. Ніз задніх крылаў жоўты. Выразны палавы дымарфізм або полімарфізм. Палавы дымарфізм выяўляецца ў больш светлай афарбоўцы асноўнага фону ў самак або ў наяўнасці ў іх светлых участкаў на аблямоўцы, крылы звычайна зеленаватыя або белыя. Вусікі кароткія, з прьпупленай булавой. Вусені развіваюцца пераважна на бабовых раслінах.

Род уключае каля 70 відаў. Пашыраны ў Паўночным паўшар'і, распаўсюджаны ў галарктыцы і неатрапічным рэгіёне. Жывуць пераважна ў высакагор'ях і ў арктычнай зоне. Некаторыя трапляюцца на раўнінах: у стэпах, на балотах, лугах, у лясах і інш. На Беларусі 4 віды: жаўтушка малая, ці лугавая, жаўтушка шафранавая, жаўтушка зяноўцавая, жаўтушка тарфянікавая.

Літаратура

• Жаўтушкі // БЭ ў 18 т. Т. 6. Мн., 1998.