Замак Ліхтэнштэйн, Аўстрыя
З пляцоўкі Вікіпедыя.
- Пра аднайменны швабскі замак гл. Замак Ліхтэнштэйн, Германія
Замак Ліхтэнштэйн — замак, размешчаны каля Марыя-Энцэрсдорфа на поўдзень ад Вены. Ён размешчаны на ўскрайку Венскага Лесу. Першапачаткова замак быў пабудаваны ў XII стагоддзі і быў зруйнаваны асманамі ў 1529 і 1683 гадах. Замак быў адноўлены ў 1884 годзе.
Ад назвы замка Ліхтэнштэйн (ў перакладзе з ням.: «Светлы камень») узнікла назва княжацкай сям'і Ліхтэнштэйнаў, кіраўнікоў аднайменнай дзяржавы. Ім замак належаў з 1140 года па XIII стагоддзе і з 1807 года.
Сёння замак вядомы дзякуючы тэатральнаму фестывалю Нэстроя, які праводзіцца штогод у летнія месяцы. З чэрвеня 2009 года замак часова закрыты для наведванняў[1].
