Звычайны зімародак
| Зімародак звычайны | ||||||||||||||
 |
||||||||||||||
| Навуковая класіфікацыя | ||||||||||||||
|---|---|---|---|---|---|---|---|---|---|---|---|---|---|---|
| Царства: | ||||||||||||||
| Раздзел: | ||||||||||||||
| Тып: | ||||||||||||||
| Клас: | ||||||||||||||
| Атрад: | ||||||||||||||
| Сямейства: | ||||||||||||||
| Род: | ||||||||||||||
| Від: |
Зімародак звычайны |
|||||||||||||
| Навуковая назва | ||||||||||||||
|
Alcedo atthis L., 1758 |
||||||||||||||
| Арэал | ||||||||||||||
|
|
||||||||||||||
|
||||||||||||||
Зімародак звычайны (Alcedo atthis) — птушка сямейства зімародкавых атрада ракшападобных.
Крыху большы за вераб'я. Даўжыня 18—19 см, маса 27—38 г. Галава вялікая, дзюба доўгая, прамая. Хвост кароткі. Апярэнне яркае: зверху блакітна-зялёнае, надхвосце («сядло») бліскуча-блакітнае, шырокая палоса ад дзюбы праз вока да патыліцы і горла — вохрыста-белаватая, ніз інтэнсіўна ржава-рыжы. Дзюба чорная, ногі чырвоныя.
Пашырэнне: Еўразія і Паўночная Афрыка. У Беларусі сустракаецца па ўсёй тэрыторыі, але нераўнамерна. Месцы пражывання: рэкі, старарэччы, значна радзей азёры, каналы з стромкімі і абрывістымі берагамі, парослымі дрэўна-хмызняковай і травяністай расліннасцю. Корміцца дробнай рыбай, радзей воднымі беспазваночнымі.
У месцах гнездавання з'яўляецца звычайна ў першай дэкадзе красавіка. Манагам. Гнёзды ў глыбокіх норах. Гнездавы перыяд расцягнуты. Поўныя свежыя кладкі з 5—8 белых з бляскам яек памерамі 21,8 x 18,4 мм трапляюцца з сярэдзіны траўня да канца першай дэкады чэрвеня. Наседжваюць абедзве птушкі 19—21 суткі. Птушаняты вылятаюць у ліпені.
 |
Гэты від занесены ў Чырвоную кнігу Беларусі і ахоўваецца законам. III катэгорыя (VU) |
Літаратура [правіць]
- Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. — Мн.: Беларуская Энцыклапедыя, 1993. — ISBN 5-85700-095-5
