Кадусіі

Кадусіі †
Агульная колькасць
Рэгіёны пражывання	Закаўказзе, паўночны захад Ірана
Мова	кадусійская
Рэлігія
Блізкія этнічныя групы	талышы

Каду́сіі (стар.-грэч.: Καδούσιοι) † — старажытны народ на паўднёва-заходнім узбярэжжы Каспія.

Кадусіі ўзгадваліся антычнымі аўтарамі з V ст. да н. э., у тым ліку Ксенафонтам, Страбонам, Плініем Старэйшым і інш. Яны насялялі паўднёва-заходняе ўзбярэжжа Каспійскага мора на поўдзень ад ракі Аракс і Каўказскай Албаніі, на поўдні межавалі з Мідыяй і Гірканіяй. Страбон называў вобласць кадусіяў шырокай, але непладавітай, у адрозненне ад Гірканіі. Гэты народ лічыўся ваяўнічым. Быў добраахвотна падначалены персідскім валадаром Кірам. Але каля 405 г. да н. э. у вобласці кадусіяў адбылося паўстанне.

Большасць даследчыкаў адносяць кадусіяў да іранамоўных народаў. Іх прынята лічыць прамымі продкамі сучасных талышоў.

Спасылкі

• CADUSII, an Iranian tribe settled between the Caspian and the Black sea