Казімір Пац

Казімір Пац
Казімір Пац, невядомы мастак, XVII стагоддзе
Герб «Газдава»
5-ы Біскуп смаленскі 1664 — 1667
Папярэднік	Юрый Белазор
Пераемнік	Готхард Ян Тызенгаўз
26-ы Біскуп жамойцкі 1667 — 1695
Папярэднік	Аляксандр Казімір Сапега
Пераемнік	Ян Геранім Крышпін-Кіршэнштэйн
Смерць	1695[…]
Род	Пацы
Бацька	Пётр Пац
Маці	Гальшка з Шэметаў[d]
Веравызнанне	Каталіцкая Царква
Адукацыя	Віленская езуіцкая акадэмія
Дзейнасць	каталіцкі святар, каталіцкі біскуп
Медыяфайлы на Вікісховішчы

Казімір Пац (? — 1695) — рымска-каталіцкі і дзяржаўны дзеяч Вялікага Княства Літоўскага. Сакратар каралеўскі (ад 1650), біскуп смаленскі (1664—1667) і жамойцкі (ад 1668).

Біяграфія

Прадстаўнік шляхецкага роду Пацаў герба «Газдава», сын Пятра і Гальшкі з Шэметаў. Брат вялікага гетмана Міхала Казіміра.

Навучаўся ў Вільні, ужо тады надумаў прысвяціць сябе духоўнай кар'еры. Пробашч слонімскі ад 1643, беластоцкі і кусташ пільтынскі ад 1654, канонік віленскі ад 1657.

У вайну Маскоўскай дзяржавы з Рэччу Паспалітай трапіў у палон, па вызваленні з якога ў 1662 зрабіўся пробашчам віленскім і геранёнскім.

Актыўна ўдзельнічаў у публічным жыцці, браў удзел у соймах. Неаднаразова быў кандыдатам у біскупы віленскія, аднак не здолеў атрымаць неабходную падтрымку ў сувязі з памяншэннем вагі Пацаў у Вялікім Княстве Літоўскім.

Літаратура

• Pacowie: materyjały historyczno-genealogiczne Архівавана 3 снежня 2021. / ułożone i wydane przez Józefa Wolffa. — Petersburg, 1885. S. 137—141.
• Jan Władysław Poczobut Odlanicki. Pamiętnik. — Warszawa, 1987

Спасылкі

• Генеалогія Пацаў Архівавана 5 кастрычніка 2013.