Казімір Чартарыйскі

Казімір Чартарыйскі Kazimierz Czartoryski
Казімір Чартарыйскі
Герб «Літоўская Пагоня»
Кашталян віленскі
1724 — 31 жніўня 1741
Папярэднік:	Фрэдэрык Міхал Чартарыйскі
Пераемнік:	Міхал Казімір Радзівіл Рыбанька
Падканцлер літоўскі
1712 — 1724
Папярэднік:	Станіслаў Антоні Шчука
Пераемнік:	Фрэдэрык Міхал Чартарыйскі
Вялікі падскарбі літоўскі
1707 — 1709
Суправіцель:	Людвік Канстанцін Пацей (1703 — 1709)
Манарх:	Станіслаў Ляшчынскі
Папярэднік:	Бенядзікт Павел Сапега
Пераемнік:	Міхал Казімір Коцел
Нараджэнне:	4 сакавіка 1674(1674-03-04) Варшава
Смерць:	31 жніўня 1741(1741-08-31) (67 гадоў) Варшава
Род:	Чартарыйскія
Бацька:	Міхаіл Юрый Чартарыйскі
Маці:	Яна Вераніка Алендская
Жонка:	Ізабелай Альжбэтай Марштын
Дзеці:	Міхал Фрыдэрык, Аўгуст Аляксандр, Канстанцыя, Людвіка Альжбета, Тэадор Казімір
Узнагароды:

Казімір ЧАРТАРЫЙСКІ (4 сакавіка 1674 — 31 жніўня 1741) — дзяржаўны дзеяч Вялікага Княства Літоўскага і Каралеўства Польскага. Сын Міхала Юрыя, ваяводы сандамірскага, і яго трэцяй жонкі Яны Веранікі Алендскай.

Біяграфія

Падчашы ВКЛ у 1699—1707 і 1709—1712, падскарбі вялікі ВКЛ у 1707—1709 (прызначаны Станіславам Ляшчынскім), падканцлер ВКЛ у 1712—1724, кашталян віленскі з 1724. Быў таксама старастам крамянецкім, веліжскім, усвяцкім.

У час бескаралеўя 1696-1697 прыхільнік французскага кандыдата на каралеўскі трон прынца Франсуа Луі дэ Канці. У 1706 перайшоў на бок Станіслава Ляшчынскага, поты супрацоўнічаў з Аўгустам II. Пасля яго смерці (1733) зноў прыхільнік кандыдатуры Станіслава Ляшчынскага на трон. Трапіў у палон да войск Аўгуста III, але пагадзіўся з новым каралём. У 1730-я гады арганізаваў магнацкую групоўку Чартарыйскіх і звязаных з імі іных родаў ("фамілію"), якая разлічвала на дапамогу Расіі, каб умацаваць дзяржаўны лад Рэчы Паспалітай.

У 1730 адзначаны Ордэнам Белага Арла.

Сям'я

Ажаніўся ў 1693 годзе з Ізабелай Альжбэтай Марштын (26 жніўня 1671 — 24 лютага 1758, Варшава), дачцы Яна Анджэя Марштына і Кацярыны Гардон. Меў з ёй трох сыноў і дзвюх дачок:

• Міхала Фрыдэрыка (1696—1775);
• Аўгуста Аляксандра (1697—1782), ваяводу рускага;
• Канстанцыю (1700—1759), маці караля Станіслава Аўгуста Панятоўскага;
• Людвіку Альжбету (1703—1745), якая стала манашкай;
• Тэадора Казіміра (1704—1768), біскупа пазнанскага.

Крыніцы

• Анатоль Грыцкевіч Чартарыйскія // Вялікае княства Літоўскае: Энцыклапедыя. У 3 т. Т.2: Кадэцкі корпус — Яцкевіч / Рэдкал.: Г.П. Пашкоў (гал.рэд.) і інш.; Маст. З.Э. Герасімовіч. – Мн.: БелЭн, 2006. –792 с.: іл. С. 740. ISBN 985-11-0315-2, ISBN 985-11-0378-0 (т. 2)