Кайман-Брак
| Кайман-Брак | |
|---|---|
| англ. Cayman Brac | |
 Бераг Кайман-Брака | |
| Характарыстыкі | |
| Плошча | 38 км² |
| Насельніцтва | 1 877 чал. |
| Шчыльнасць насельніцтва | 49,39 чал./км² |
| Размяшчэнне | |
| 19°42′50″ пн. ш. 79°48′00″ з. д.HGЯO | |
| Архіпелаг | Кайманавы астравы |
| Акваторыя | Карыбскае мора |
| Краіна | |
 | |
 Медыяфайлы на Вікісховішчы | |
Ка́йман-Брак (англ.: Cayman Brac) — востраў у Карыбскім моры ў складзе Кайманавых астравоў. Плошча — 38 км². Насельніцтва — 1877 чал. (2010 г.)
Геаграфія і прырода[правіць | правіць зыходнік]
Востраў Кайман-Брак знаходзіцца ў паўночна-заходняй частцы Карыбскага мора ў 7,49 км на ўсход ад суседняга вострава Літл-Кайман і 130 км на паўночны ўсход ад вострава Гранд-Кайман. Выцягнуты з паўночнага ўсходу на паўднёвы захад. Даўжыня — 19,4 км, найбольшая шырыня — 3 км.
Востраў сфарміраваны вапнякамі арганічнага паходжання, якія месцяцца на вяршыні падводнага вулканічнага хрыбта. Само слова «Брак» паходзіць з валійскай або корнскай мовы і значыць «вапняк». Бераг атачаюць каралавыя рыфы, у якіх, аднак, існуюць 11 разрываў, што дазваляе займацца суднаходствам. У выніку эрозіі назіраюцца агаленні вапняковага карсту. Гэта асабліва характэрна для паўночнага захаду, дзе скальны масіў Блаф узвышаецца на 42 м. Кіпрыя глебы выдатна ўсмоктваюць вільгаць, таму паверхневых вадацёкаў няма.
Клімат трапічны пасатны. Летам частыя ўраганы.
Прырода сушы найлепей захавалася на паўночным захадзе вострава, дзе ксерафітныя дрэвы і хмызнякі ўтвараюць густыя гаі, населеныя пераважна яшчаркамі, агуці і птушкамі. На ўзбярэжжы селяцца ігуаны і чарапахі. Вельмі багаты падводны свет каралавых рыфаў.
Гісторыя[правіць | правіць зыходнік]
Востраў разам з суседнім Літл-Кайманам быў адкрыты Х. Калумбам 11 мая 1503 г. і названы Лас-Тартугас (ісп.: Los Tortugas, літаральна «Чарапахавыя»). Сучасная назва з’явілася толькі ў 1530 г., але канчаткова прыжылася ў XVIII ст. Кайманы ніколі не насялялі Кайман-Брак. Мяркуецца, што мараплаўцы пераблыталі іх з мясцовымі ігуанамі.
Востраў доўгі час прыцягваў піратаў, якія палявалі тут на чарапах, але сталых паселішчаў не стваралі. У сярэдзіне XVII ст. англійскія дэзертыры з Ямайкі Валтар і Баўдэн заснавалі першае паселішча, знішчанае праз некалькі гадоў іспанцамі. Пасля 1670 г. Кайман-Брак афіцыйна ўваходзіў у склад каланіяльных валоданняў Англіі. Паўторна востраў быў населены толькі ў пачатку XIX ст. перасяленцамі з вострава Гранд-Кайман.
Інфраструктура[правіць | правіць зыходнік]
Насельніцтва пераважна засяроджана на паўднёвым усходзе вострава, дзе ўтворана паселішча Вест-Энд, маецца кабатажны порт і аэрапорт. Асноўная галіна эканомікі — турызм. Кайман-Брак вядомы як адно з самых прыцягальных месцаў для аматараў нырання з аквалангам.
Спасылкі[правіць | правіць зыходнік]
- Cayman Brac Архівавана 30 чэрвеня 2014.
- Cayman Islands History Архівавана 12 студзеня 2015.