Калона Траяна

З пляцоўкі Вікіпедыя.
Перайсці да: рух, знайсці
Славутасць
Калона Траяна
Columna Traiana
Калона Траяна
Калона Траяна
Каардынаты: 41°53′45″ пн. ш. 12°29′03″ у. д. / 41.895833° пн. ш. 12.484167° у. д. (G) (O) (Я)41°53′45″ пн. ш. 12°29′03″ у. д. / 41.895833° пн. ш. 12.484167° у. д. (G) (O) (Я)
Краіна Італія
Горад Рым
Аўтар праекта Апаладор Дамаскі
Дата пабудовы 113 год

Калона Траяна — калона на форуме Траяна ў Рыме, створаная архітэктарам Апаладорам Дамаскім у 113 годзе н. э. у гонар перамог Траяна над дакамі.

Канструкцыя[правіць | правіць зыходнік]

Выканана з 20 блокаў карарскага мармуру, мае вышыню 38 м (разам з пастаментам) і дыяметр 4 м. Унутры калона полая: у ёй знаходзіцца вітая лесвіца са 185 прыступкамі, якая вядзе да пляцоўкі на капітэлі. Важыць манумент каля 40 тон. Ствол калоны 23 разы спіраллю агінае стужка даўжынёй 190 м з рэльефамі, якія адлюстроўваюць эпізоды вайны Рыма і Дакіі. Першапачаткова была ўвянчана арлом, пазней статуяй Траяна. У 1588 замест яе Сікст V устанавіў статую апостала Пятра, якая і знаходзіцца на калоне дагэтуль.

У п'едэстале калоны размешчана дзверы, якая вядзе ў залу, дзе змяшчаліся залатыя ўрны з прахам Траяна і яго жонкі Пампеі Плаціны.

Рэльеф[правіць | правіць зыходнік]

Рэльеф апавядае пра дзве войны Траяна з даками (101102 і 105106 гадоў). Секцыі, прысвечаныя войнам, падзелены выявай фігуры крылатай Перамогі, якая піша на шчыце, акружаным трафеямі, імя пераможца. Адлюстроўваюцца галоўным чынам дзеянні рымскай арміі: перамяшчэнне, пабудова ўмацаванняў, пераправы праз рэкі, бітвы. Усяго на калоне каля 2 500 чалавечых фігур. Траян з'яўляецца на ёй 59 раз. Апроч Перамогі ў рэльефе прысутнічаюць і іншыя алегарычныя фігуры: Дунай у вобразе велічнага старца, Ноч — жанчына з закрытым покрывам тварам, і інш.

Асобныя фігуры перададзены вельмі рэалістычна, так што рэльеф калоны служыць каштоўнай крыніцай для вывучэння зброі, даспехаў, касцюмаў — як рымлян, так і дакаў таго часу. Перспектывай жа скульптары свядома ахвяравалі для дасягнення большай інфарматыўнасці. Дэталі пейзажу, крапасныя сцены гэтыя па-за маштабам. Блізкія і далёкія чалавечыя фігуры маюць аднолькавую выразнасць і памеры і размешчаны адна над іншай.

Гл. таксама[правіць | правіць зыходнік]

Спасылкі[правіць | правіць зыходнік]


Шаблон:Антычныя калоны Рыма