Камп'ютарны файл

З пляцоўкі Вікіпедыя.
Перайсці да: рух, знайсці

Камп'ютарны файл (англ.: file - шухляда, папка) — блок адвольнай інфармацыі, або рэсурс для захоўвання інфармацыі, даступны для камп'ютарных праграм і звычайна размешчаны на якой-небудзь пастаяннай запамінальнай прыладзе. Файл пастаянны ў тым сэнсе, што ён застаецца даступным для праграм пасля завяршэння бягучай праграмы. Камп'ютарныя файлы можна разглядаць як сучасны аналаг папяровых дакументаў, якія традыцыйна знаходзяцца ў офісных і бібліятэчных файлах (адсюль і паходзіць тэрмін).

У інфарматыцы ўжываецца наступнае вызначэнне: файл - гэта ўпарадкаваная сукупнасць даных, якая захоўваецца на дыску і займае іменаваную вобласць вонкавай памяці.

Змест файла[правіць | правіць зыходнік]

На большасці сучасных аперацыйных сістэм, файлы арганізаваны ў аднамерныя масівы байтаў. Большасць тыпаў файлаў вылучаюць некалькі пачатковых байтаў для метададзеных, якія дазваляюць атрымаць некаторыя асноўныя звесткі пра файл.

Памер файла[правіць | правіць зыходнік]

У любы момант часу, файл можа мець памер, звычайна выражаны як колькасць байтаў, які паказвае, які аб'ём даных звязаны з файлам.

Арганізацыя звестак у файле[правіць | правіць зыходнік]

Інфармацыя ў камп'ютарным файле можа складацца з меншых пакетаў інфармацыі (часта званых "запісамі" або "радкамі"), якія індывідуальна розныя, але вылучаюцца некаторымі агульнымі рысамі. Напрыклад, файл заработнай платы можа ўтрымліваць інфармацыю пра ўсіх супрацоўнікаў кампаніі і звесткі па кожнай выплаце заработнай платы, кожны запіс у файле тычыцца заработнай платы толькі аднаго супрацоўніка, і ўсе запісы маюць агульную рысу, што яны ставіцца да заработнай платы. Тэкставы файл можа ўтрымліваць радкі тэксту, адпаведна друкаваным радкам на лісце паперы. Акрамя таго, файл можа ўтрымліваць адвольныя двайковыя вобразы, або можа ўтрымліваць машынныя інструкцыі да выканання.

Файлавыя аперацыі[правіць | правіць зыходнік]

Файлы на камп'ютары можна створаць, перамешчаць, змяняць, дапаўняць, скарачаць і сціраць (выдаляць). Звычайна гэтыя аперацыі выконваюць дастасоўныя камп'ютарныя праграмы, але карыстальнік камп'ютара можа таксама працаваць з файламі ў выпадку неабходнасці.

Гл. таксама[правіць | правіць зыходнік]