Канюшына

Канюшына
Канюшына лугавая (Trifolium pratense) — тыпавы від роду Канюшына
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Бабовакветныя Сямейства:  Бабовыя Падсямейства:  Матыльковыя Трыба:  Trifolieae Род:  Канюшына
Міжнародная навуковая назва
Trifolium L.
Тыпавы від
Trifolium pratense L. typus — Канюшына лугавая
Арэал
Вобласць натуральнага распаўсюду
Сістэматыка на Віківідах Выявы на Вікісховішчы ITIS   26204 NCBI   3898 EOL   27877 GRIN   g:12357 IPNI   23722

Канюшына (Trifolium) — род раслін сямейства Бабовыя (Fabaceae), падсямейства Матыльковыя (Faboideae).

Навуковая назва роду — trifolium — азначае «трохліснік».

Шмат-, двух- і аднагадовыя травяністыя расліны з узыходаымі, прамастойнымі або распасцёртымі аблісцелымі сцёбламі, стрыжнёвымі, цыліндрычнымі ді верацёнападобна патоўшчанымі каранямі (у некаторых відаў карэнішча). На дробных карэньчыках утвараюцца каранёвыя клубеньчыкі, у яхіх месцяцца клубеньчыкавыя бактэрыі, што засвойваюць азот паветра. Лісце чаргаванае, трайчастае ці пальчата-складанае з 5—9 суцэльнакрайнімі лісцікамі з прылісткамі. Кветкі дробныя, двухполыя, зігаморфныя (матыльковага тыпу), рознага колеру, у галоўчатых цыліндрычных, шарападобных і іншых суквеццях. Плод — дробны струк.

Адрозніваецца больш за 200 відаў. Пашыраны ва ўмераных і субтрапічных абласцях Паўночнага паўшар'я. Некаторыя віды ёсць ў гарах Паўднёвай Амерыкі і трапічнай Афрыкі. На Беларусі 15 дзікарослых відаў найбольш вядрмыя: канюшына гібрыдная, або ружовая, канюшына лугавая, або чырвоная, канюшына паўзучая, або белая, канюшына раллявая; у Чырвоную кнігу Беларусі занесены 2 віды: канюшына чырванаватая (Trifolium rubens) і канюшына Спрыгіна (Trifolium spryginii). Растуць на лугах, пашах, у лясах, акультураныя часам дзічэюць.

Кармавая (мае шмат пратэіну), сідэральная (азотфіксавальная — павялічвае ўрадлівасць глебы), лекавая, меданосная і дэкаратыўная расліна.

Літаратура

• Вынаеў Г. Канюшына // БЭ ў 18 т. Т. 8. Мн., 1999.