Каравайка

З пляцоўкі Вікіпедыя
Перайсці да: рух, знайсці
Каравайка
Plegadis falcinellus Syracuse.jpg
Навуковая класіфікацыя
Міжнародная навуковая назва

Plegadis falcinellus (Linnaeus, 1766)

Ахоўны статус
Wikispecies-logo.svg
Сістэматыка
на Віківідах
Commons-logo.svg
Выявы
на ВікіСховішчы
ITIS   174924
NCBI   52788
EOL   20443

Каравайка[1] (Plegadis falcinellus) — шырока распаўсюджаная птушка з сямейства ібісавых.

Агульная характарыстыка[правіць | правіць зыходнік]

Каравайка мае ў даўжыню 51-66 см, размах крылаў 80-105 см. Самка крыху меншая за самца. Дарослыя птушкі пафарбаваны ў цёмна-буры колер з бронзавым і зялёным металічным адценнем. Маладыя — бурыя без адцення, на галаве і шыі белая штрыхоўка, знікае з узростам. У палёце закругленыя крылы. Голас: ціхае, хрыпкае «крра», у гнездавы перыяд бляе як баран.[2]

Распаўсюджанне[правіць | правіць зыходнік]

Каравайка распаўсюджаная ў Еўразіі, Афрыцы, Аўстраліі, Паўночнай Амерыцы. Арэал разарваны. Лакальна сустракаецца ў Паўднёвай Еўропе, Сярэдняй i Паўднёвай Азii, на Фiлiпiнах i некаторых астравах Малайскага архіпелага, у Афрыцы i на Мадагаскары, на Антыльскiх а-вах i паўночным узбярэжжы Мексiканскага заліва.

Месцапражыванне караваек — прэсныя і слабасалёныя вадаёмы, шырокія балоты, ліманы, плыткаводдзі і заліўныя лугі.

Паўднёвыя папуляцыi аселыя, паўночныя — пералётныя. Залятае ў большасць еўрапейскiх краiн, нават да Iсландыi, Фінляндыі i Скандынавii. На Беларусі рэдкі, залётны від.

Асаблівасці біялогіі[правіць | правіць зыходнік]

Гняздуе ў калонii (часцей за ўсё рознавiдавой). Звычайна гняздо ладзіць на заламаным трыснягу або на галiнах кустоў, радзей на дрэвах. На кустах i дрэвах робіць гняздо з галiнак, высланае сухiм трыснягом; на залiваемых кустах i трыснягу — з напалову згнiлага трыснягу, злепленага калам, унутры выкладзена зялёнымi лiстамi трыснягу, а латок — сцёбламi раслiн.

Яйкi (3-6) ярка-зеленаватыя або блакiтнаватыя.

Зноскі

  1. Напісанне Каравайка ў адпаведнасці з БЭ ў 18 тамах., Т.8. Мн., 1999, С.42
  2. http://www.ptushki.org/guide/bird/67.html#sthash.QfbwxNeV.dpuf

Літаратура[правіць | правіць зыходнік]

  • Птушкі Еўропы: Палявы вызначальнік. — Варшава: Навуковае выдавецтва ПНВ, 2000. — 540 с.: іл. ISBN 83-01-13187-X