Карась

З пляцоўкі Вікіпедыя.

КАРАСЬ (лац.: Carassius) — род прэснаводных рыб сямейства карпавых. 2 вiды: карась звычайны, або залаты (Carassius carassius), i карась сярэбраны (Carassius auratus), якi бывае 2 падвiдаў. Пашыраны ў Еўразii. Адзiн падвiд (C. a. auratus), ад якога паходзiць акварыумная залатая рыбка, жыве ў Кiтаi, другi (С. a. gibelio) — ад басейна Амура да Заходняй Еўропы. На Беларусь карась сярэбраны завезены ў 1948. Жывуць у азёрах, рэках, сажалках.

Даўжыня да 50 см, маса да 5 кг. Луска буйная. Цела высокае, спiна цёмна-карычневая, бакi залацiстыя. Палавая спеласць у 2–5 гадоў. Для карася сярэбранага ўласцiвы гiнагенез. Нераст парцыённы. Кормяцца бентасам, планктонам, воднай раслiннасцю, дэтрытам. Зiмуюць на дне вадаёмаў, у муле.

[правіць] Крыніцы

• Белы А. Карась // Праект "Наша ежа"