Кардыльера Дамейка

З пляцоўкі Вікіпедыя
Перайсці да: рух, знайсці
Кардыльера Дамейка
ісп.: Cordillera Domeyko
Кардыльера-дэ-ла-Саль, частка Кардыльеры Дамейка
Кардыльера-дэ-ла-Саль, частка Кардыльеры Дамейка
Каардынаты: 23°40′00″ пд. ш. 68°50′00″ з. д. / 23.666667° пд. ш. 68.833333° з. д. (G) (O) (Я)
Даўжыня

600 км

Вышыня вяршыні

4278 м

Кардыльера Дамейка (Чылі)
Кардыльера Дамейка
Кардыльера Дамейка
Cerro Quimal здалёк

Кардыльера Дамейка — вулканічны горны хрыбет у Андах на поўначы Чылі, у рэгіёне Антафагаста(руск.) бел., на захад ад Салар-дэ-Атакама. Даўжыня хрыбта з поўначы на поўдзень каля 600 км[1]. Самы высокі пункт — гара Cerro Quimal[2] з вышынёю 4278 метраў. Горны ланцуг азначае ўсходнюю мяжу плоскай часткі пустыні Атакама. У хрыбце ёсць некалькі вулканаў рознага ўзросту, у тым ліку і чацвярцічныя. Хрыбет узнік у выніку субдукцыі.

Утварэнне[правіць | правіць зыходнік]

Вулканічны хрыбет узнік у зоне субдукцыі, дзе акеанічная пліта Наска паднырвае пад кантынентальную Паўднёва-Амерыканскую пліту.

Аснова хрыбта ўтворана палеазойскімі гранітамі, вулканічнымі і марскімі асадкавымі пародамі, і часткова з трыясавых вулканагенных парод кіслага саставу.

Горы ўтрымліваюць каштоўныя мінеральныя рэсурсы, у прыватнасці медзь і нітраты, якія выкарыстоўваюцца з сярэдзіны XIX ст. Таксама ў гэтым раёне ёсць радовішчы золата і срэбра. Моцнае значэнне ва ўтварэнні карысных выкапняў прымалі магматычныя інтрузіі.

Прыродныя ўмовы[правіць | правіць зыходнік]

Клімат[правіць | правіць зыходнік]

Кардыльера Дамейка знаходзіцца ў заходняй (прыбярэжнай) частцы Андаў, гэта абумовіла засушлівы клімат мясцовасці. З захаду Паўднёвую Амерыку абмывае халоднае Перуанскае цячэнне (цячэнне Гумбальдта), выпарэнне з яго паверхні надзвычай малое, гэта абумовіла засушлівасць прыбярэжных і горных раёнаў. Падымаючыся ўверх і пераадольваючы араграфічныя перашкоды (горы Анды) цёплае і вільготнае паветра з Атлантычнага акіяну астывае, вадзяная пара ў ім дасягае кропкі расы і выпадае на ўсходнія схілы ў выглядзе атмасферных ападкаў, халоднае і сухое паветра, пераваліўшы праз андскія хрыбты ўтварае Фён (моцны, парывісты, цёплы і сухі мясцовы вецер, што дуе з гор у даліны). Менавіта таму Кардыльера Дамейка з'яўляецца горным хрыбтом з самай нізкай вільготнасцю ў свеце[3].

Рэкі[правіць | правіць зыходнік]

У гэтым рэгіёне пачынаецца Лоа (самая доўгая рака Чылі (440 км)) і шэраг невялічкіх рэк.

Раслінны і жывёльны свет[правіць | правіць зыходнік]

У ніжняй частцы некаторых далін кожны год, пачынаючы з 29 ліпеня бачны прыкметы жыцця.

З жывёл прысутнічаюць андскі кондар і шыншыла.

Паходжанне назвы[правіць | правіць зыходнік]

Кардыльера Дамейка названа ў гонар Ігната Дамейкі ў год яго смерці (1889 г.).

Турызм[правіць | правіць зыходнік]

З-за аддаленасці і суровых прыродных умоў хрыбет Дамейка рэдка наведваюць турысты і альпіністы.

Зноскі