Карл Густаў Юнг
 |
Няма спасылак на крыніцы.
Адсутнасць спасылак на крыніцы выклікае недавер да інфармацыі.
Калі ласка, калі ведаеце крыніцы змешчанай у артыкуле інфармацыі, пазначце іх. |
Карл Густаў Юнг (ням.: Carl Gustav Jung) (26 ліпеня 1875 — 6 чэрвеня 1961) - швейцарскі псіхолаг, стваральнік "аналітычнай псіхалогіі". У 1913 годзе заснаваў школу аналітычнй псіхалогіі - аднаго з кірункаў глыбіннай псіхалогіі (тэндэнцыі, устаноўкі, схаваныя за "паверхняй" свядомасці, у "глыбінях" індывіда). Развіваў ідэі пра пракалектыўныя формы псіхічнага, так званыя "архетыпы калектыўнага бессвядомага". Стварыў вучэнне пра чалавечыя тыпы, у аснову якога паклаў ідэі індывідуалізацыі і змены ўстановак асобы (установачныя тыпы). Ён лічыў, што на архетыпічнай аснове грунтуюцца ўсе вялікія ідэі, і калі б усе традыцыі ў свеце былі страчаны адразу, то наступныя пакаленні ўсю міфалогію і гісторыю рэлігій пачалі б спачатку. Ірацыяналістычныя і містычныя бакі яго канцэпцыі выкарыстаны для аргументацыі тэалагічных канцэпцый, для абгрунтавання абстрактнага мастацтва і доказу бессвядомага характару мастацкай творчасці. Разам з тым працы Юнга садзейнічалі з'яўленню даследаванняў па параўнальнай міфалогіі, набыла вядомасць яго канцэпцыя псіхалагічных тыпаў. Асноўныя працы: "Сімвалы пераўтварэння", "Псіхалагічныя тыпы", "Адносіны паміж Я і бессвядомым"; яго зборы твораў выдадзены ў 17 тамах у 1958 - 1976 гг. у Штутгарце.
