Карл Манэ Георг Сігбан

Карл Манэ Георг Сігбан
шв.: Karl Manne Georg Siegbahn
Шведскі фізік, лаўрэат Нобелеўскай прэміі
Дата нараджэння:	3 снежня 1886(1886-12-03)
Месца нараджэння:	Эрэбру,, Швецыя
Дата смерці:	26 верасня 1978(1978-09-26) (91 год)
Месца смерці:	Стакгольм, Швецыя
Краіна:	Швецыя
Навуковая сфера:	фізіка
Альма-матэр:	Лундскі ўніверсітэт
Узнагароды і прэміі	Нобелеўская прэмія па фізіцы (1924)

Карл Манэ Георг Сігбан, таксама Зігбан (шв.: Karl Manne Georg Siegbahn; 3 снежня 1886, Эрэбру, Швецыя - 26 верасня 1978, Стакгольм, Швецыя) — шведскі фізік, лаўрэат Нобелеўскай прэміі па фізіцы (1924) «за адкрыцці і даследаванні ў вобласці рэнтгенаўскай спектраскапіі».

Біяграфія

Манэ Сігбан нарадзіўся ў сям'і станцыйнага наглядчыка шведскай чыгункі Нільса Рэйнхальда Георга Сігбана і яго жонкі Эмы Сафіі Мацільды (нар. Цэтэнберг). У 1906 г. Сігбан паступіў ва ўніверсітэт Лунда, які ён скончыў ў 1911 г. абаронай доктарскай дысертацыі па тэме «Вымярэнне магнітнага поля». Ужо з 1907 па 1911 гг. Сігбан працуе асістэнтам прафесара Іагана Рыдберга. Пасля абароны дысертацыі Сігбан становіцца дацэнтам і ў 1915 г. прафесарам. Пасля смерці Рыдберга ў 1919 г. Сігбан займае яго кафедру. У 1923 г. Сігбан пераходзіць ва Упсальскі ўніверсітэт і ў 1937 г. становіцца прафесарам-даследчыкам ў Каралеўскай Шведскай Акадэміі Навук. З 1938 па 1947 гг. Сігбан - прэзідэнт міжнароднага саюза чыстай і прыкладной фізікі (IUPAP).

У 1914 г. Сігбан пабраўся шлюбам з Катрын Хегбом. Бацька двух сыноў: Бо (1915), які зрабіў кар'еру дыпламата і Кай (1918), які стаў фізікам і атрымаў ў 1981 г. Нобелеўскую прэмію.