Кастусь Цвірка

Кастусь Цвірка
Кастусь Цвірка
Асабістыя звесткі
Імя пры нараджэнні	Канстанцін Аляксеевіч Цвірка
Дата нараджэння	28 сакавіка 1934 (90 гадоў)
Месца нараджэння	Зялёная Дуброва, Старадарожскі раён, БССР, СССР;
Альма-матар	філалагічны факультэт БДУ (1958);
Месца працы	Першы Нацыянальны канал Беларускага радыё; Інстытут мастацтвазнаўства, этнаграфіі і фальклору імя Кандрата Крапівы НАН Беларусі; Юнацтва; Полымя;
Прафесійная дзейнасць
Род дзейнасці	перакладчык, пісьменнік, паэт
Мова твораў	беларуская
Дэбют	1951
Прэміі	Залаты апостраф (2011)
	Медыяфайлы на Вікісховішчы

Кастусь Цвірка (28 сакавіка 1934, Зялёная Дуброва, Мінская вобласць, БССР) — беларускі паэт, перакладчык, гісторык, фалькларыст, этнограф, мовазнавец.

Біяграфія[правіць | правіць зыходнік]

Скончыў аддзяленне беларускай мовы і літаратуры філалагічнага факультэта Беларускага дзяржаўнага ўніверсітэта (1958). У 1958—1959 гг. выкладаў беларускую мову і літаратуру ў Труханавіцкай сярэдняй школе Капыльскага раёна. Быў літсупрацоўнікам раённай газеты «Рудзенская праўда», рэдактарам на Беларускім радыё, старшым метадыстам рэспубліканскага Дома народнай творчасці, старшым інспектарам Упраўлення па распаўсюджванні друку Міністэрства сувязі БССР. У 1972 г. скончыў аспірантуру пры Інстытуце мастацтвазнаўства, этнаграфіі і фальклору АН БССР і з таго часу — навуковы супрацоўнік гэтага інстытута. З 1981 г. — старшы рэдактар выдавецтва «Юнацтва», з 1984 г. — рэдактар аддзела паэзіі часопіса «Полымя».

Кандыдат гістарычных навук (1972).

З 1995 г. — кіраўнік і галоўны рэдактар праекта «Беларускі кнігазбор»^[1].

Творчасць[правіць | правіць зыходнік]

Друкуецца з 1951 г. Аўтар зборнікаў паэзіі «Такія сэрцы ў нас» (1959), «Бягуць раўчукі» (1962), «Чарназём» (1967), «Каласы» (1975), «Сцежка дадому» (1980), «Хат вячысты дар» (1982), «Лодка долі тваёй» (1988) і інш. Аўтар кнігі «Слова пра Сыракомлю: Быт і культура беларусаў у творчасці „вясковага лірніка“» (1975). Піша і для дзяцей: кнігі вершаў і казак «Як Алесь згубіўся ў лесе» (1986), «Добрыя суседзі» (1988) і інш.

Аўтар мастацкіх нарысаў, звязаных з літаратурнымі мясцінамі Беларусі — «Дарога ў сто год» (1974), «Той курган векавечны» (1985), а таксама манаграфіі «Слова пра Сыракомлю» (1975). Суаўтар кнігі «Беларуская фалькларыстыка эпохі феадалізму» (1989) (разам з Г.Каханоўскім, Л.Малаш, 1989). Складальнік тома «Вяселле. Абрад» (1978), кнігі ўспамінаў пра З.Бядулю (з Я.Садоўскім, 1988), зборніка твораў Я.Чачота «Наваградскі замак» (1989)^[2], зборніка «Філаматы і філарэты» (1998)^[3].

Выступае ў друку з артыкуламі па культуры мовы.

Прызнанне[правіць | правіць зыходнік]

Лаўрэат прэміі «Залаты апостраф» (2011).

Гл. таксама[правіць | правіць зыходнік]

Кастусь Гадыцкі-Цвірка

Зноскі

↑ Кастусь Цвірка (нявызн.). ПрайдзіСвет. Праверана 6 лютага 2019.
↑ Цвірка Кастусь (нявызн.). Беларускія пісьменнікі (1917-1990). Даведнік. Праверана 6 лютага 2019.
↑ Філаматы і філарэты (нявызн.). Бібліятэка МДУ імя А. А. Кулешова. Праверана 6 лютага 2019.

Спасылкі[правіць | правіць зыходнік]

«Літаратура — гэта грунт нацыі». Размова са стваральнікам «Беларускага кнігазбору» // www.svaboda.org 14 лістапада 2019
Кастусь Цвірка: Шашаль мовы — калька // «Літаратура і мастацтва». 1993. 12 сакавіка Архівавана 11 красавіка 2013.
Афіцыйны сайт МГА «Беларускі кнігазбор» Архівавана 22 лістапада 2016.

[1] Кастусь Цвірка (нявызн.). ПрайдзіСвет. Праверана 6 лютага 2019.

[2] Цвірка Кастусь (нявызн.). Беларускія пісьменнікі (1917-1990). Даведнік. Праверана 6 лютага 2019.

[3] Філаматы і філарэты (нявызн.). Бібліятэка МДУ імя А. А. Кулешова. Праверана 6 лютага 2019.

[1]

[2]

[3]