Качканос

З пляцоўкі Вікіпедыя.
Перайсці да: рух, знайсці
Качканос
Platypus.jpg
Навуковая класіфікацыя
Міжнародная навуковая назва

Ornithorhynchus anatinus Shaw, 1799

Сінонімы
Арэал
выява
Ахоўны статус
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS   552524
NCBI   9258
EOL   323858

Качканос (Ornithorhynchus anatinus) — вадаплаўнае млекакормячае атрада аднапраходных, жыве ў Аўстраліі. Гэта адзіны сучасны прадстаўнік сямейства качканосавых (Ornithorhynchidae); разам з яхіднамі ўтварае атрад аднапраходных (Monotremata) жывёл, па шэрагу прыкмет блізкіх да рэптыліяў.

Пашыраны ва Усходняй Аўстраліі і на в-ве Тасманія. Жыве па берагах вадаёмаў, на раўнінах і ў гарах да вышыні 2000 м. Вядзе паўводны спосаб жыцця. Корміцца дробнымі воднымі жывёламі.

Даўжыня цела да 45 см, хваста да 15 см. Верх цела чорна-буры, ніз шараваты. Футра густое, мяккае. Галава з плоскай «дзюбай» даўжынёю каля 6,5 см, з адчувальнай скурай. Зубы ёсць у маладых жывёл; у дарослых — рагавыя пласцінкі. Хвост шырокі, пляскаты. Канечнасці пяціпальцыя, з плавальнай перапонкай. На задніх нагах у самцоў ядавітыя шпоры. Вочы і вушныя адтулікы пры ныранні закрываюцца складкай скуры. Самка раз у год адкладвае ў нары 1—2 яйцы.

Гэта унікальнае жывёла з'яўляецца адным з сімвалаў Аўстраліі; яно намалявана на рэверсе аўстралійскай манеты ў 20 цэнтаў. Ахоўваецца.

Літаратура[правіць | правіць зыходнік]

  • Качканос // БЭ ў 18 тамах., Т.8. Мн., 1999, С.196-197.

Зноскі