Квірынальскі палац

Палац
Квірынальскі палац Palazzo del Quirinale
Фасад палаца
41.9, 12.48690341°54′00″ пн. ш. 12°29′12.85″ у. д.41.9° пн. ш. 12.486903° у. д.
Краіна	Італія
Горад	Рым, Квірынал
Архітэктурны стыль	Класіцызм
Аўтар праекта	Даменіка Фантана, Карла Мадэрна
Заснавальнік	Рыгор XIII
Будаўніцтва	1573—??? гады
Сайт	Афіцыйны сайт

Квірынальскі палац (іт. Palazzo del Quirinale) — палац XVI стагоддзя на Квірынальскім узгорку ў Рыме. У наш час палац — афіцыйная рэзідэнцыя Прэзідэнта Італіі. Архітэктары палаца — Даменіка Фантана, капэлы — Карла Мадэрна. У інтэр'еры мноства фрэсак Гвіда Рэні і Мелоца да Форлі. Шэраг фрэсак у Троннай зале належыць пэндзлю Эўджэніа Аньені, якога для гэтай працы запрасіў асабіста Папа Пій IX.

Гісторыя

Від на палац (La Place de Monte Cavallo, гравюра, Джавані Баціста Піранезі, 1773)

Папская рэзідэнцыя

Палац пабудаваны ў 1573 годзе як летняя рэзідэнцыя Папы Рыгора XIII. У Квірінальскім палацы прайшлі чатыры Канклава — Канклаў 1823, Канклаў 1829, Канклаў 1830—1831 і Канклаў 1846.

У першай палове XX стагоддзя палац аблюбаваў кароль Віктар Эмануіл III.

Інтэр'еры

Сандра Перціні за сталом

Кабінет Прэзідэнта

Раней гэты пакой палаца быў летняй спальняй Пап. Пасля захопу Францыяй Рыма, пакой быў прыстасаваны пад сталовую. Зараз жа кабінет выкарыстоўваецца для афіцыйных кансультацый прэзідэнта з міністрамі і прадстаўнікамі Сената. За гэтым сталом, прэзідэнт выступае з Навагоднім зваротам да народа. Стол — французскі, выраблены ў 1750 годзе, на сцяне — карціна XVII стагоддзі.

Люстраная зала

У першыя гады палаца, сцены залы пуставалі. Грандыёзны дэкор, які адрозніваецца багаццем люстэркаў, быў створаны ў часы Напалеонаўскай акупацыі Італіі. Па задумах імператара, зала павінна была быць троннай, адсюль і люстэркі, і белы шоўк на сценах. Пачынаючы з 1877, памяшканне выкарыстоўвалася, як сталовая, і як бальная зала. У наш час, у сценах Люстраной залы даюць прысягу канстытуцыйныя суддзі, праходзяць слуханні спраў высокай важнасці. Нярэдка залу завуць Белай.

Галерэя

• 
• 
• 

Гл. таксама

• Фантан дыяскураў

Спасылкі

• На ВікіСховішчы ёсць медыяфайлы па тэме Квірынальскі палац
• Афіцыйны сайт (італ.)